Ақынның көшбасшылық дәрісі

Ақынның көшбасшылық дәрісі

Әл - Фараби атындағы ҚазҰУ - нің жоғары оқу орнына дейінгі дайындық кафедрасы ширек ғасырдан бері шетелдік қазақ балаларына білім беріп, олардың қазақ қоғамына белсенді араласыуына мұрындық болып келе жатқаны белгілі. Биыл да әлемнің әр түкпірінен келген жастарды қабылдап, еліміздің мәдени - тарихи мұраларымен танысытырып, қоғамымызды дамытуға атсалып еңбегімен, өнерімен танылып жүрген белгілі тұлғалармен таныстырып, кездесулер, сұхбаттасулар өткізу шаралары дәстүрлі түрде өтіп тұрады. Солардың бірі - танымал айтыскер ақын Серік Әкірамұлы Қалиевпен өткен көшбасшылық дәріс. Өзім жетекшілік жасайтын «Асыл сөз» стартабының мүшелері және шығармашылық топтар келген кезде жоспарға енгізілетін басты шаралардың бірі – ел руханиятын дамытуға өмірін арнаған асыл тұлғалардың өмірін, еңбектерін көрсету, түсіндіру, оқыту болады. Шәкірттеріміз қонақты музыкалық ән - шашумен қарсы алды, олар ұлттық әндеріміз бен қасиетті қара домбыраның күмбірлеген күйімен қарсы алды. Әсіресе, бәрімізге әсерлі болғаны шетелдік азаматтардың, корей, қытай, үндістан, жапон елдерінен келген жастардың Абайдың «Көзімнің қарасы» әнін нақышына келдіре орындауы болды. Келген қонағымыздың да қазақша ән шырқаған шетелдік шәкірттерге ықыласы ерекше ұнағанын байқатты. ТДМ (17) бағыты бойынша ел дамуына рухани қызмет атқарып жүрген тұлғаның өмірі мен шығармаларын таныстырып, өлеңдерін тыңдап, ақынмен көкейлеріндегі сауалдарын қойып, сұхбаттасып, шәкірттер мол рухани мағлұмат алды. Серік ақынның шығармашылық өмірінен үлгі алып, ақынның өзі шығарған әндерін тыңдады. Ақынның шәкірттерге берген батасынан рухтанып, алғыс білдірді. Ақынның шығармашылық жолынан фото - шежіресімен танысып, айтыс өнеріндегі әсерлі әңгімелерінен ерекше рухтанды. Серік ақын өнер көрсетіп, қызықты сұрақ қойған шәкірттерге кітаптар сыйлап, болашақта да рухани байланыста болатынын айтты. Жастарымыз ұлттық құндылықтарымызды ұлықтап, оны сақтап, насихаттау біздің басты парызымыз екенін түсінді. Шетелдегі қазақ балалалары еліміздегі осындай танымал тұлғаларымен танысып, әдеби шығармалырын оқып, мәдени мол азық алып жатыр. Болашақта еліміздің мәдени - рухани дамуына өз үлестерін қосуға атсалысарлары анық.

Ж. Әділханова, Ж. Иманова, С. Нұртілеуова
Әл Фараби атындағы ҚазҰУ - нің аға оқытушылары