Назарбаев: Мәскеудегі мәселелерді шешу үшін «іше білу керек еді»

Назарбаев: Мәскеудегі мәселелерді шешу үшін «іше білу керек еді»

Нұрсұлтан Назарбаевқа «Qazaq: Алтын адам хикаясы» деректі фильмі кезінде Ресейдің тұңғыш президенті Борис Ельциннің ішімдікке әуестігі туралы сұрақ қойылды - Назарбаев Мәскеудегі мәселелерді шешу үшін «іше білу керек еді» деді.
Режиссер Оливер Стоун Ельциннің көп ішетінін, тіпті көпшілік алдында мас болып көрінгенін атап өтті – ол Назарбаевтан Ресейдің бұрынғы президентін мұндай жағдайда көрдіңіз бе деп сұрады.
«Бұл туралы барлығы біледі, ешқандай құпия жоқ. Ол нағыз орыс адамы, әсіресе Сібірден, Оралдан келген, ішкенді өте жақсы көретін. Бірақ оның басынан айырылатындай ішкені есімде жоқ», - деп жауап берді Назарбаев.
Стоун екі президенттің мерекелерге бірге қатыса алатынына күмәнданбайтынын айтты. «Әрине. Мен осы ортада тәрбиелендім. Мәскеудегі мәселені шешу үшін ішуді білу керек еді, тек арақты, басқа сусындар жоқ еді», - деді Назарбаев.
Айту керек, Ресейде арақ ішумен мемлекеттік мәселелерді шешудің бұл дәстүрі орыс патшасы Бірінші Петрдің тұсында қалыптасқан. Бірақ бұл дәстүрдің қайта жаңғыруы КСРО - да Сталин билік басында тұрған кеңестік кезеңде де орын алды. Сталин орыстың атақты мақал - мәтелін ұстанды: «сергек адамның ойында не бар – сол мас адамның тілінде шығады!»

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты