Адамдардың 95 %- ы бетперде кисе, Еуропа локдаунан құтыла алады - ДДСҰ

Адамдардың 95 %- ы бетперде кисе, Еуропа локдаунан құтыла алады - ДДСҰ

Дүниежүзілік денсаулық сақтау ұйымының еуропалық бөлімінің басшысы Ханс Клюге мектептердің жабылуы коронавирус пандемиясына қарсы күресте тиімді шара емес деді. Еуропалық елдер тұрғындардың көпшілігі бетперде режимін ұстанатын болса, локдаунды енгізуі керек болмайды.
Мұндай мәлімдемені ДДСҰ Еуропалық бөлімшесінің басшысы Ханс Клюге 19 қарашада өткен баспасөз конференциясында жасады. Ол қатаң карантин - бұл экстремалды шара, егер адамдардың 95 %- ы бетперде киетін болса, бұл қажет болмайды деп атап өтті.
Клюгенің айтуынша, мектептердің жабылуы коронавируспен күресте тиімді шара емес, өйткені балалар мен жасөспірімдер COVID - 19 таралуына ықпал етпейді. ДДСҰ Еуропалық бөлімі басшысының айтуынша, Еуропадағы бастауыш мектептер әдеттегідей жұмыс істеуі керек.
Қытайда коронавирустық инфекция 2019 жылдың соңында басталды. 2020 жылы 11 наурызда Дүниежүзілік денсаулық сақтау ұйымы коронавирустың таралуын пандемия деп жариялады.
Әлемде американдық Джонс Хопкинс университетінің мәліметі бойынша 19 қарашада таңертең 56 247 982 (тәулігіне +669 мың) адам коронавирусты жұқтырған. COVID - 19 - дан 1 349 339 (+12 мың) адам қайтыс болды, 36 146 875 қалпына келді.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты