Мемлекеттік білім беру гранттарының иегерлері белгілі болды

Мемлекеттік білім беру гранттарының иегерлері белгілі болды

Қазақстан Республикасы Ғылым және жоғары білім министрлігі 2025 – 2026 оқу жылына арналған мемлекеттік білім беру гранттарының иегерлері тізімін жариялады.

Қазақстан Республикасы Президенті Қасым - Жомарт Тоқаевтың тапсырмасы бойынша экономиканың басым салалары үшін жоғары білікті кадрлар даярлау мақсатында білім беру гранттарының жалпы санының 60%- ы инженерлік және техникалық бағыттар бойынша бөлінді.

Конкурс қорытындысы бойынша мемлекеттік білім беру тапсырысы 99%- ға игерілді.

Биыл «Серпін» жобасы халық тығыз орналасқан өңірлердің жастары арасында үлкен қызығушылық тудырды. Конкурс нәтижесі бойынша 2 мыңнан астам грант иегері солтүстік, шығыс және орталық Қазақстанның жетекші жоғары оқу орындарына оқуға аттанады.

«Жалпы, «AMANAT» партиясының Сайлауалды бағдарламасын іске асыру жөніндегі Жол картасы аясында биыл 77 мыңнан астам білім беру гранты бөлінді. Мемлекет басшысының тапсырмасы бойынша шетелдің алдыңғы қатарлы университеттерімен әріптестік орнатқан шамамен 20 жоғары оқу орны студенттерді қабылдай бастады. Бұл — Қазақстанды өңірлік білім хабы ретінде қалыптастыру жолындағы маңызды қадам», – деді министр Саясат Нұрбек.

2025 жылғы мемлекеттік білім беру гранттарын тағайындау конкурсына шамамен 113 мың өтініш түсті. Бұл өткен жылмен салыстырғанда 9 мыңға көп.

Сондай - ақ, гранттарды бөлу кезінде заңнамада белгіленген әлеуметтік осал санаттағы балаларға арналған квоталар сақталады.

Дарынды жастарды қолдау мақсатында халықаралық олимпиадалар мен спорттық жарыстардың жеңімпаздарына конкурссыз гранттар көзделген.

2025 оқу жылы грант тізімін жүктеп алу бірінші сілтеме
2025 оқу жылы грант тізімін жүктеп алу екінші сілтеме
2025 оқу жылы грант тізімін жүктеп алу