Тәуелсіздік күні

Тәуелсіздік - тұғырым, елім менің,
Кең - байтақ, жасыл шөп, жерім менің.
Тойланады, осы күн, ерлігімен
Он алтыншы желтоқсан ерлерінің

Тәуелсіздік - тартуы ол тәңірдің,
Тәуелсіздік - маңдайдағы бағым бұл.
Тәуелсіздік - сыбағасы елімнің,
Тәуелсіздік - таймайтұғын тағым бұл.

Жанын қиып, қанша қинап жатса да,
Берілмеген Қайрат, Ербол, Ляззатқа
Өтей алмас қарыздар бар оларға
Алтын, күміс, қола тақса да.

Болашағын ойлап, өз елінің
Ұмытпаспын хас батырдың ерлігін,
Үлгі беріп жастарға, мына бізге
Патриоттарға басымды мен иемін

Тәуелсіз, азат елімді
Жанымнан артық көремін,
Бар тәніммен сүйемін,
Аялап, қорғауға уәде беремін.

Бүгін берік қолыма
Көк туымды ұстадым
Осы еді ғой аңсаған,
Бабамның да арманы.

Осы өлеңді мен арнайы 16 желтоқсан - Тәуелсіздік күніне орай шығардым. Ия, білемін онша мағынасы жоқ, ұйқаспаған, алайда бұл өлең таза жүректен шыққан. Менің айтқым келгені, бізді осы байтақ қазақ жерімізде, тыныштықта бейбіт өмір сүріп жүруіміз үшін өз жандарын қиған батырларды ұмытпай, осындай қысқа болсын өлеңдерді сол батырлардың рухына бағыштап, олардың жүректе ұмытылмай мәңгі қалуына бәріміз ат салысайық. Мен өзім Семей қаласының номер 35 мектебінің 6 сынып оқушысымын. Өз елімді, жерімді жанымнан артық жақсы көремін, өскендеде патриот боламын. Отаныммен мақтанамын, осындай көрікті, әдемі жерлерде өмір сүріп жатқаныма қуаныштымын. Қазақ болып туылудың өзі мәртебе ғой. Мен өлгенімше қазақ елін мақтан етіп, қауіп түссе, қорғап, елімнің одан сайын құлпыруына ат салысамын. Сіздерден де соны талап етемін!