15 қараша – Ұлттық валюта күніне арналған құттықтау

15 қараша – Ұлттық валюта күніне арналған құттықтау

Құрметті әріптестер, қаржы саласының қызметкерлері және барша қазақстандықтар!
Сіздерді еліміздің экономикалық тәуелсіздігі мен дербестігінің нышаны — 15 қараша – Ұлттық валюта күнімен және Қаржыгерлер күнімен шын жүректен құттықтаймыз!

Бұл мереке — Қазақстан тарихындағы ерекше маңызды күндердің бірі. Себебі 1993 жылдың дәл осы күні мемлекетіміздің ұлттық валютасы – теңге айналымға енгізіліп, еліміздің қаржы жүйесінде жаңа кезең басталды. Теңгенің енгізілуі – еліміздің саяси және экономикалық тәуелсіздігін нақты айқындаған тарихи оқиға болды. Бұл – мемлекеттілігіміздің, егемендігіміздің және ұлттық бірлігіміздің басты белгілерінің бірі.

Тәуелсіздіктің алғашқы жылдарында ел экономикасы үлкен сындардан өтті. Сол қиын кезеңде өз ақшасын енгізу — батыл әрі шешуші қадам еді. Осы шешім арқылы Қазақстан өз қаржы саясатын дербес жүргізуге мүмкіндік алды, ұлттық банк жүйесін қалыптастырды және экономикалық дамудың жаңа бағыттарын айқындады.

Бүгінде теңге – Қазақстан Республикасының тұрақтылығы мен сенімділігінің символына айналды. Ұлттық валюта еліміздің экономикалық даму жолындағы ілгерілеудің, халықтың әл - ауқаты мен мемлекетіміздің өркендеуінің негізі болып отыр. Уақыт өткен сайын теңге дизайны жаңарып, оның қорғаныс жүйесі күшейтіліп келеді. Бұл – ұлттық валютамыздың заман талабына сай дамып келе жатқанын айғақтайды.

Осы күн – қаржы және банк саласында еңбек етіп жүрген барлық мамандар үшін кәсіби мереке. Сіздердің еңбектеріңіз – ел экономикасының тұрақтылығын қамтамасыз ететін басты күш. Салық, банк, несие, есеп және бюджет саласында аянбай еңбек етіп жүрген әрбір қаржыгердің жұмысы мемлекет дамуының маңызды бөлігі болып табылады.

Құрметті қаржы саласының қызметкерлері!
Сіздердің жоғары кәсібиліктеріңіз бен жауапкершіліктеріңіз, отанға деген адал еңбектеріңіз үшін зор алғыс білдіреміз. Еңбектеріңіз жемісті болып, табыстарыңыз арта берсін!

Баршаңызға мықты денсаулық, отбасыңызға амандық пен береке - бірлік тілейміз. Еліміздің ұлттық валютасы – теңге нығая берсін, халқымыздың әл - ауқаты артып, экономикамыз тұрақты дамығай!

Ұлттық валюта күні құтты болсын! Қазақстанымыз дами берсін!