Жұмбақтар жауаптарымен

Кішкентай ғана түйме тас,
Атан түйе тарта алмас.

Тоқыған ауы – шыбынның жауы.

Әуеден ақ-сары құс ән салады,
Келгенде шабытына жан алады.
Өзгеше қылығына қарап тұрсаң,
Дымы жоқ тақыр жерден нәр алады.

Көзі бар, қанаты бар балық дене,
Сияқты зор тұлғалы алып кеме.

Бір мақұлық бар екен төрт аяқты,
Тағыпты арқасына мың таяқты.
Ашуланса, аяқ-қолын көрсетпейді,
Көресің көзің салсаң ғажайыпты.

Дене мен аяқ-қол жоқ, құйрық пен бас,
Бұрыннан жан-жәндікке ойлаған қас.
Бес-алты ай демалыста күн көреді,
Оншалық керек етіп жемейді ас.

Екi ұшы бұлдырақтай,
Ортасы қылдырықтай.

Бiреуге найза түйрейдi,
Содан-ақ өзi күйрейдi.

Буда, буда, буда жүн,
Будаланған шуда жүн.
Сыдырып қойған сұр таспа,
Қоңыр шолақ құнажын.

Жел-жел бием, жел бием,
Желiндесе кiм бiлер?
Жау жапырақ түбiнде
Құлындаса кiм бiлер.

Сап-сары болған түрі бар,
Шақылдаған үні бар,
Жер астында тынығар.

Қырдан қырайман көрдім,
Судан сүлеймен көрдім.
Қайырылып тұрған тас көрдім,
Тұзсыз піскен ас көрдім.

Көзін жұмады,
Көзін ашады.
Сыбысын білдірмей,
Ақырын басады.

Төрт аяқты шалғы
Орып кетер малды.

Келеді бір перизат итке мінген,
Таяғын итке мініп итпелеген,
Артында ағараңдар ешкісі бар,
Ешкісін итке мініп жетелеген.

Бұлаңдаған құйрығы –
Бір алдарлық қулығы.

Қорықпайды күшті аңнан,
Қорқады тек тышқаннан.

Топырақ желді мініп, желді айдайды,
Болғанда түске жақын көлге айдайды.
Тамшыны жерден тамған керек қылып,
Топырақ өз-өзінен айқайлайды.

Басында таяғы бар,
Төрт аяғы бар.
Сегіз тұяғы бар,
Иегінде сақалы бар.

Жамауы бар тігінсіз.
Киімі қалың жамылар.
Жыртығы жоқ, еш мінсіз,
Ала-құла тоны бар.

Будақ түтін түсі аппақ,
Көк жүзіне тұзақтап.
Қойғандай - ақ жылжымай
Тауды өбеді құшақтап.

Бірде селбір жабағы,
Бірде теңбіл жабағы.

Аяғы жоқ, қолы жоқ,
Жүретұғын жолы жоқ.
Мінезі де жеңілтек,
Тіл алмайтын бір тентек,
Шөпшілердің шөбін шашты,
Қалпағымды ала қашты.

Ақ шапанын үстінен
Алты ай бойы шешпеді.
Қара шапаны үстінен
Алты ай бойы түспейді.

Бөркін ағай киеді ошырайтып.

Ақ сиыр туып кетер,
Қара сиыр жатып қалар.

Қарағайсыз, тақтасыз,
Көпір салдым балтасыз.

Адам тимей қағанағым жарылды.

Суда жаралады,
Суда жоғалады.

Қасқанасы қылтылдап,
Көз қарасы жылтылдап.
Ұзын - ұзын ұз келер,
Ұзын бойлы қыз келер.

Дедектейді, зырлайды,
Артқа мойын бұрмайды.

Күлің, күлің, күлің ат,
Күліп өтті, көрдің бе?
Көлеңкесін көрсетпей
Жүріп өтті, көрдің бе?

Өркешіне мұз артқан,
Шудасынан су аққан,
Мынау неткен қара нар,
Күншіліктен мұратқан?

Серікпен қарындасы 25 жаста, әкелері 50 жаста.

Аппақ жолға қараймыз тамсанып,
Сүтін төгіп кеткен кім, жол салып?

Жеті ағам жерге түспейді.

Көлемі бірдей болған 8 доптың жетеуінің салмағы бірдей, ал біреуі басқаларынан ауырырақ. Күйентелі таразымен (екі жақта табағы бар таразы) екі рет өлшеп ауыр болған допты таба аласыз ба?

Қарайып ұшқанымен қарға емес,
Ін қазғанмен түлкі емес.
Арқасында боқшасы,
Жинағанмен мүлкі емес.

Бір палуан өзі күшті, қайраты мол,
Өзінен үлкен затты көтерер ол.
Мейлі қыр, мейлі жота, мейлі төбе,
Қайқаңдап аса берер бәрінен де ол.

Елек - елек тарым бар,
Көтере алсаң бәрін ал.