Актер деген кім?

Білім беру саласы: Коммуникация, Əлеумет
Бөлімі: Драма
Тақырыбы: Актер деген кім?
Мақсаты: актер туралы түсінік беру, сөздік қорын, сөйлеу мəдениетін, ойлау қабілетін дамыту, ым - ишараларды қолданып кейіпкердің бейнесін жасауды үйрету, шығармашылыққа, достық қарым - қатынасқа тәрбиелеу.
Алдын ала жұмыс: қуыршақ театрынан қойылымдар көрсету, цирктегі күлдіргіштің өнерін көрсету.
Қолданылатын көрнекі құралдар: ертегі қойылымы бар дискі, қуыршақ күлдіргіш, Айару қуыршақ, əліппе - дəптер.
Сөздік жұмыс: күлдіргіш, актер, комплимент.
Билингвальді компонент: күлдіргіш – клоун, актер – актер.

Педагогтің басқару іс - əрекеті
Психологиялық сəт.
«Комплимент» ойынын ұйымдастыру.
Педагог балаларға шеңберге тұрып, жанында тұрған баланың атын атап, комплимент айту керектігін түсіндіреді.
Таңғажайып сəт: күлдіргіш кіреді.

- Балалар, актер деп кімді айтамыз?
Актер – сан қилы іс - шараларда əртүрлі кейіпкерлерді көрсететін əртіс.
- Актер қайда жұмыс істейді?
- Актерлер түрлі рөлдерді ойнау үшін өздерін қалай өзгертеді?
- Сендер де актер болып ойнап көргілерің келе ме?
- Ал сендер қандай кейіпкер болып, қандай костюмдер киіп ойнағыларың келеді? Педагог балалардың қандай ертегі кейіпкеріне айналғысы келетін таңдауларын қолдап, мадақтайды.

Балалардың іс - əрекеті
Балалар шеңберге тұрып, жанында тұрған баланың атын атап, комплимент айтады, мақтайды, ерекшеліктерін айтады.
- Айжан, сен əдемісің.
- Арман, сен алғырсың. Балалар қызығушылық танытады.

Сабақтың толық нұсқасын жүктеу