Үздік сынып жетекші-2014

Қызылорда қаласы, № 211 А. Байтұрсынов атындағы орта мектепте өткізілген "Үздік сынып жетекші - 2014" байқауы
Авторы: Еспенбетова Зағира Нағметуллақызы

«Үздік сынып жетекші – 2014» байқауы
Мерей мөлтек ауданындағы №211 А. Байтұрсынов атындағы орта мектепте сәуірдің 16 - жұлдызында «Үздік сынып жетекші - 2014» байқауы өтті. Сынып жетекшінің жаңашыл тәжірибесін анықтап, таратуды, жаңа бастамаларына қолдау көрсетуді мақсат тұтқан бұл байқауға 6 сынып жетекші қатысты. Байқаудың бірінші турында ашық тәрбие сағаттары өткізілді. Бұл турдың қорытындысы бойынша 3 «В» сыныбында (Д. Омарова) өткізілген «Табиғат – тал бесігім» атты тәрбие сағаты ең үздік деп танылды. Екінші турда байқауға қатысушылар бала тәрбиесіне байланысты түрлі тақырыпта эссе жазды. Қазылар алқасы Омарова Динараның, Ботабаев Әзиздің жазған эсселерін ерекше атап өтті.
Байқаудың келесі туры сайыс түрінде өтті. Сайыс 4 кезеңнен тұрды.
1 - кезең. «Мен сынып жетекшімін» қалаған формада өзін - өзі таныстыру, бейнефильм, мультимедиалық жоба.
2 - кезең. «Ұшқыр ойдан белсенді әрекетке». Педагогикалық жағдаяттарды талдау және оны шешу жолдары.
3 - кезең. «Мен және менің сыныбым» видеоролик көрсету.
4 - кезең. Өз өнері.
Байқауға қатысушылардың өзін - өзі таныстыруы бір - біріне ұқсамады. Құлтасова Назгүл, Маханбетова Ақгүл таныстыруды өлең жолдарымен өрнектесе, Шамаханова Гүлфира өзін шәкірттерінің орындауындағы өлең шумақтарымен таныстыруды жөн санапты. Ал Омарова Динара, Ботабаев Азиз, Тұңғышбаева Балдырған мультимедиа арқылы портфолиоларын презентациялады.
Екінші кезең бойынша да сынып жетекшілері мүмкіндіктерінше сынға түсті. Ең ұтымды жауапты және педагогикалық жағдаятты шешу жолдарын Омарова Динара, Тұңғышбаева Балдырған, Ботабаев Әзиз жеткізе білді.
Үшінші кезең бойынша дайындалған видеороликтердің мазмұны мен сапасы, жаңашылдығы бірінен - бірі асып түсіп жатты.
Төртінші кезеңде сынып жетекшілері аянып қалған жоқ. Бірі ән айтса, екіншісі мықты аспаз екенін дәлелдеп бақты. Үшіншісі қолөнерімен таң қалдырды. Омарова Динара шәкіртімен ән айтса, Тұңғышбаева Балдырған қызы Еңлікпен бірге ән шырқап, көрермен ықыласына бөленді. Екі сағаттан астам уақытқа созылған сайыс өз мәресіне жетті. Сайыс нәтижесінде 3 «В» сынып жетекшісі Омарова Динара бас жүлдені, 1 - орынды Тұңғышбаева Балдырған, 2 - орынды Ботабаев Әзиз, 3 - орынды Шамаханова Гүлфира жеңіп алды. Құлтасова Назгүл мен Маханбетова Ақерке «Шығармашыл ұстаз» аталымына ие болды.
Жеңімпаздар грамоталармен және кәсіподақ ұйымының арнайы сыйлықтарымен марапатталды.
Қызылорда қаласы, № 211 А. Байтұрсынов атындағы орта мектептің Еспенбетова Зағира Нағметуллақызы