Бүгінгі таңда мектепте білім беруді жетілдірудің жетекші бағыттарының бірі жалпы орта білім беру деңгейіндегі бағдарлы оқыту болып табылады. Оны отандық және шетелдік ғалымдар өз еңбектерінде «... бүгінгі күннің мектептері оқушының тұлғалық қасиеттеріне бет бұрғандығын, оның жеке икемділігі мен қабілеттіліктеріне барлық жағдайды жасау керектігін»,- дәлелдеп, мектептің жоғары сыныптарына бағдарлы оқытуды енгізуді негіздеген. Бағдарлы оқыту – бұл жалпы білім беретін мектептің жоғары буынында оқытуды даралауға, оқушыны әлеуметтендіруге, сонымен бірге мектептің жоғары сатысы мен орта және жоғары кәсіби білім берудегі сабақтастықты жүзеге асыруға бағытталған арнайы дайындау жүйесі.
Бағдарлы оқыту жалпы оқыту үдерісінің құрылымын, мазмұны мен ұйымдастырылуын өзгерту арқылы оқушылардың қызығушылығын неғұрлым толық ескеруге, олардың қабілетін дамытуға, жоғары сынып оқушыларына өздерінің кәсіби қызығушылығы мен оқуын жалғастыруға қатысты ұстанған бағыт - бағдарына сәйкес білім беру үшін жағдай туғызуға мүмкіндік беретін саралау мен даралау құралы болып табылады.
Жаратылыстану - математикалық бағыт бойынша 11 сыныпқа аптасына 1 сағат қолданбалы курс барлығы 34 сағатқа негізделген.
Ұсынылып отырған бұл бағдарламада географиялық білімнің ғылыми түсінігін кеңейтуге басты назар аударылады. Сондықтан бұл бағдарламада экономикалық - географиялық ұғымдар мен заңдылықтарға ерекше мән беріліп, география ғылымының соңғы жаңалықтарымен жарақтандырылып отыр. Курс барысында оқушыларды табиғат ресурстарын үнемді пайдалануға, қоршаған ортаны қорғауға, экологиялық проблемаларды шешуге, сондай - ақ алған білімдерін күнделікті өмірді қолдана білуге үйретеді. Теориялық алған білімдерін практикалық түрде дәлелдей біледі, ізденпаздыққа шығармашылыққа талпынады.
Назар аударыңыз! Жасырын мәтінді көру үшін сізге сайтқа тіркелу қажет.
