Адам өміріндегі ең бір қызықты да, қуанышты да ұмытылмас белес – оның
үйленіп, жеке отау тігуі. Ұрпақтарының үлгілі отау құруы - сол жастардың ата - аналары мен ауыл адамдарының ғана тілек - талабы емес, қоғамдық
қажеттілік.
Отбасы — мемлекеттің іргетасы. Қоғамдағы әр шаңырақтың босағасы берік, мерейі үстем болмай, мемлекеттің де мықты болуы мүмкін емес. Қандай қоғамдық құрылыста болсын, отбасы мен неке – адам баласының дүниеге келуі мен оның өсіп, қалыптасуын қамтамасыз етіп отыратындықтан, ол адамзат тарихының даму кезеңдеріндегі шешуші факторларының бірі болып келген. «Адам ұрпағымен ғана мың жасайды» - деген халық даналығы осындайдан айтылған - ды. Сөз жоқ, бұл арада дендері сау, жүйкесі бүтін, тек қана өміршең ұрпақтардың жалғасуы жайында айтылып отыратындығы күмән тудырмайды. Дүние жүзі халықтары тәрізді, қазақтың да өзіне тән отбасы тарихы бар. Адам баласы басынан өткізген сан алуан қоғамдық - экономикалық формациялардың қай - қайсысы болмасын, әр қилы отбасы түрлерімен тығыз байланысты болған.
Оны Жер планетасын мекендеген барлық халықтар өз басынан өткізген. Әр отбасы – үлкен бір мемлекеттің құраушы бөлшегі. Егер мемлекеттегі әрбір отбасының жағдайы жақсы болатын болса, онда сол мемлекетте де бәрі жақсы болады, келешегі жарқын болып, ізгі қоғам қалыптасады. Отау құрған жастардың бала тәрбиелеуге аса мән бергені жөн. Себебі, әрбір ұлт азаматының алатын тәрбиесінің қайнар көзі, мінез - құлқының қалыптасуының түп негізі - өзі туып - өскен шаңырағынан бастау алады. Отбасының қоғамдағы рөліне толыққанды баға беруге болмайды, өйткені мұнда негізгі адамгершілік құндылықтар, басқа адамдарға деген көзқарас, дәлірек айтсақ, адамның қоғамдағы өмір сүру қабілеттілігі мен дағдысы қалыптасады.
Назар аударыңыз! Жасырын мәтінді көру үшін сізге сайтқа тіркелу қажет.
