I
Түне күнгі кеткеннен
Ғали жаңа келдің бе?
Алғадайдың мүрдесін
Жол-жөнекей көрдің бе?
Топырағың торқа боп,
Тыныш ұйқта дедің бе?
—Қалай қыйып қалдырдың
Қарт әкеңді еліңде?
Елжірейді өзегім,
Ауырады белім де...
Қаза болып көзелім,
Халім қыйын менің де.
II
Алатауды айналсам,
Алғадайды табам ба?
Сары-Арқаны сандалсам,
Саңлағымды табам ба?
Өлім деген у екен,
Мендей кәріп адамға.
Күнде үйімде күңренем
Көзіме жас алам да.
III
Құр сүлдерім, есім жоқ,
Жүріп тұрған десім жоқ.
Деп қараймын сәбиге:
«Игіліктің кеші жоқ!»
Бала қалды жетім боп,
Келін қалды жесір боп,
Біздей кәріп кісіге
Көз салыңдар есіркеп.
IV
Темір өзек пенде жоқ,
Өлмес адам елде жоқ,
«Орынсыз деп өлімі»,
Ондай ойлау менде жоқ.
Көп жайланған жабының
Жал-құйрығы сұйылар...
Сол сыяқты Жамбылдың,
Жұқарыңқы түрі бар.
Көңілі бос — кәрінің,
Көкейлерің ұғынар,
Көтермей жан жалынын,
Көзден жасы құйылар.
Алғадай туралы әрбір ой
- ramuk_b
- 21 қаңтар 2019
- 3145
- 0
Ілмек сөздер: Алғадай туралы әрбір ой, Алғадай туралы әрбір ой өлеңі, Жамбыл Жабаев өлеңдері
Қара сөздер. Абайдың он бірінші қара сөзі
Осы елдің үнем қылып жүргені немене? Екі нәрсе. Әуелі - ұрлық, ұры ұрлықпен мал табам деп жүр....О, Кеңесбай мырза, тыңда, сөз
О, Кеңесбай мырза, тыңда, сөз, Айтатұғын келді кез, Кекіреттеніп паңданбай, Сыртын көріп таңданбай, Менің сөзім құйылса, Кеудеңе шырақ жанғандай....Шайтан
Мұңлы шайтан — құдайдың қуған жаны, Күнәлі жер кез келіп бір ұшқаны. Өткен жақсы дәурені ойында оның, Сондағы не көргені, не қылғаны....«Аға!» - дедің, бұрылдым
«Аға!» - дедің, бұрылдым Ұп-ұзын екен бұрымың. «Аға!» - дедің, қарадым: Жарқылдап тұр жанарың....Ж.Жабаев «Аттандыру»
Ақтөбе облысы, Мұғалжар ауданы, Ембі қаласы №3 орта мектептің қазақ тілі мен қазақ әдебиеті пәні мұғалімі : Кадырова Нұрсая Жолмырзақызы...Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.