Сайтқа кіру Тіркелу

загрузка...

Достық, жолдас, дос, татулық туралы мақал-мәтелдер

Дос туралы мақал - мәтелдер

- Дос - ажарың, жолдас - базарың.

- Алыстағы досыңа ат берсең де жарасар - үйіне мініп барсын деп.
Жақындағы досыңа хат берсең де жарасар - ұмытса есіне алсын деп.

- Жолдасың көп болса, Жалғызбын деме

- Дос сыртыңнан мақтар, дұшпан көзіңе мақтар

- Жаңа досың жаныңда болса, ескі досың есіңде болсын.
Ол әрқашанда сенімді.

- Досың дос болғанға шаттан, Дұшпанмен дос болудан сақтан

- Дос ы көпті жау алмайды, ақылы көпті дау алмайды

- Жаман жолдастан таяғым артық

- Күлме досыңа – келер басыңа

- Досы көппен сыйлас,
Досы азбен сырлас.

- Заттың жаңасы жақсы,
Достың ескісі жақсы.

- Жақсымен жолдас болсаң – жетерсің мұратқа.
Жаманмен жолдас болсаң - қаларсың ұятқа.

Жаман дос - көлеңке: басыңды күн шалса - қашып құтыла алмайсың, басыңды бұлт алса - іздеп таба алмайсың.

Досы жоқпен - сырлас, досы көппен - сыйлас.

Көп кісі досым жетілсе екен демейді, егерде бірі жетілсе бағанағы досына бітімі жоқ дұшпаны сол болатұғыны қалай?

Кей құрбы бүгін - тату, ертең - қату,

Тілеуі, жақындығы - бәрі сату.

Біріңді, қазақ, бірің дос,

Көрмесең - істің бәрі бос.

Жас күнде кімді көрсең - бәрі дос.

Жақсы дос - білген сырын сыртқа жаймас.

Жау қожандап бұртиып,

Дос құбылып әуре етер.

Жауға - мылтық, досқа - ынтық.

Досқа - жаз, жауға - аяз.

Жауға - жалынба, досқа - тарылма.

Дос таппаған ер азар - басшы бақпаған ел азар.

Адамзатта не тәтті: аста - тұз тәтті, адамда - дос тәтті.

Екі жақсы дос болмас - сірне үстінде хаты бар,

Ежелгі дұшпан ел болмас - көңілінде кір, даты бар.

Күніңде өзім болдым деп - кең пейілге таласпа,

Артық үшін айтысып - достарыңмен санаспа.

Жақсы жолдас сыр шашпас.

Қандастықтан - жолдастықты жоғары қоюды қашан үйренер екенбіз?!

Дос көңілі бір атым насыбайдан қалады.

Айырылысар дос ердің артқы қасын сұрайды.

Достыққа достық - қарыз іс.

Дос - жылатып айтады, дұшпан - күлдіріп айтады.

Күлме досқа - келер басқа.

Дос - басқа, дұшпан - аяққа қарайды.

Дос есебі - көңілден.

Ағайын жат та болса көзге тәуір,

Өкпем жоқ, кеудемдегі бәрі - бауыр.

Жауымның дәлдеп салған найзасынан,

Досымның саусағымен шерткені ауыр.

Жақсыменен дос болсаң - күнде базар,

Жаманменен дос болсаң - көңілің азар.

Әйеліңмен дос бол - үйіңе береке кіреді,

Азаматпен дос бол - адамшылығыңды біледі,

Білімдімен дос бол - сасқанында ақыл береді.

Ақылсыз достан - ақымақ дұшпан артық.

Күле кіріп, күңіреніп шыққан достан сақтасын.

Жаман достан жақсы дұшпан артық.

Жеңілсе дұшпан - достық қыл.

Алыстағы дұшпаннан, аңдып жүрген дос жаман.

Қиындықта қол бергеннен асқан берік достық жоқ.

Достық туралы көп сөзден достық пейілді бір іс артық.

Скифтер үшін достыққа адал адамдарға құрмет көрсетуден асқан абырой жоқ.

Қиындықта қол бергеннен асқан берік достық жоқ.

Досын сатқан - қасын сатқанмен бірдей.

Құдалық та - достықтың дәнекері.

Дос көп болмайды.

Дүниеде достық заңынан асқан заң жоқ.

Досқа адалдық - рухқа адалдықпен бірдей.

Қанмен бекітілген достықты жаннан безген жаман бұзады.

Көзіңді ойып берсең де - дос көңілін қалдырма.

Байлықтан артық достық бар, достықтан артық байлық жоқ.

Табын - табын малыңмен емес, қатар - қатар қосыңмен емес - ақ адал досыңмен мақтан.

Досыңның арына тигені - өзіңнің арыңа тигені.

Жаман жолдас белгісі - көкқұтандай кекиіп шекесінен қарайды.

Алдында тұрсаң - жуас қойдай: сені «дос» деп біледі,

Артында тұрсаң - аш бөрідей теріңді тіледі.

Амалы таусылған дұшпан шын достыққа көшеді.

Қиын күнде қол ұшын берген - нағыз дос,

Жайшылықта доспын деген - жай сөз.

Дос - зынданда жатқанда керек,

Дастархан үстінде - дұшпан да дос.

Дос емес дос сыртынан жамандаған.

Дос адам маңайынды жұмақ етер.

Өрге жүзген өнегелі ісімен,

Таңда адал дос өз теңіңнің ішінен.

Дос табу оңай - сақтауы қиын, жауласу оңай - тоқтауы қиын.

Көңіліңе қарай - дос таңда, күшіңе қарай - жүк таңда.

Дос достың кемшілігін кешіре білер
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
загрузка...
Ашық сабақ, Бастауыш, Информатика, Русский язык, Сабақ жоспары, Тәуелсіздік, Физика, Химия, ана тілі, ашық тәрбие сағаты, ағылшын тілі, ағылшын тілінен сабақ жоспары, бала бақша, бала-бақша, балабақша, бастауыш сынып, баяндама, биология, география, дүниетану, ертеңгілік, математика, орыс тілі, презентация, сабақ, сайыс, сайыс сабақ, сауат ашу, сценарий, тарих, технология, тәрбие, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, әдебиет, әдебиеттік оқу

Барлық тегтерді көрсету