Әл - Фараби мұрасы және қазіргі заман

Әл - Фараби мұрасы және қазіргі заман

Әл - Фараби атындағы Қазақ ұлттық университеті ЖОО - ға дейінгі білім беру факультеті ЖОО - ға дейінгі дайындық кафедрасының тыңдаушылары арасында ұлы ойшыл, ғұлама ғалым Әбу Насыр әл - Фарабидің өмірі мен ғылыми мұрасын дәріптеуге арналған «әл - Фараби мұрасы және қазіргі заман» тақырыбында зияткерлік - саяхат сағаты өтті.
Іс - шараның басты мақсаты – тыңдаушыларға әл - Фарабидің бай ғылыми - философиялық мұрасын таныстыру, оның білім мен ғылымды дамытуға қосқан үлесін насихаттау, сондай - ақ жас ұрпақтың танымдық қызығушылығын арттырып, рухани - адамгершілік құндылықтарға деген құрметін қалыптастыру.
Әбу Насыр әл - Фараби – әлемдік өркениет тарихында өзіндік орны бар ұлы ойшыл, энциклопедист ғалым. Ол философия, логика, математика, музыка теориясы және басқа да ғылым салаларының дамуына зор үлес қосқан. Ғұламаның еңбектері ғасырлар бойы өз маңызын жоғалтпай, бүгінгі ғылым мен білім кеңістігінде де терең зерттеліп келеді. Оның адамгершілік, парасаттылық, ізгілік және кемел қоғам туралы ойлары қазіргі заманмен де үндеседі.
Зияткерлік - саяхат сағаты барысында тыңдаушылар ұлы ғалымның өмір жолымен, ғылыми ізденістерімен және философиялық көзқарастарымен танысуға мүмкіндік алды. Танымдық мазмұндағы тапсырмалар мен пікір алмасулар арқылы әл - Фараби мұрасының маңызына назар аударылып, оның еңбектеріндегі білімге ұмтылу, адам бойындағы ізгі қасиеттерді дамыту және қоғам игілігіне қызмет ету идеялары кеңінен насихатталды.
Әл - Фарабидің рухани мұрасы бүгінгі жастар үшін ерекше тәрбиелік мәнге ие. Ғұламаның дүниетанымында білім мен тәрбиенің, ақыл мен адамгершіліктің өзара байланысы маңызды орын алады. Бұл қағидалар қазіргі білім беру жүйесінің негізгі мақсаттарымен сабақтасып, білімді ғана емес, парасатты, жауапты әрі ізгі ниетті тұлға қалыптастырудың маңызын айқындайды.
Әл - Фараби атындағы Қазақ ұлттық университетінде осындай танымдық іс - шаралардың ұйымдастырылуы тыңдаушылардың тарихи санасын кеңейтіп, ұлттық және әлемдік рухани мұраға деген қызығушылығын арттыруға ықпал етеді. Ұлы ойшылдың өмірі мен еңбектерін зерделеу жас ұрпақты ғылымға құштар болуға, үнемі ізденуге және алған білімін қоғам игілігіне жұмсауға ынталандырады.
Қорытындылай келе, «әл - Фараби мұрасы және қазіргі заман» тақырыбындағы зияткерлік - саяхат сағатының танымдық әрі тәрбиелік маңызы зор болды. Осындай мазмұнды кездесулер арқылы ұлы ғұламаның асыл мұрасы дәріптеліп, жас буынның білімге, ғылымға және рухани дамуға деген ынтасы арта түседі.

Әл - Фараби мұрасы – өткеннің асыл қазынасы ғана емес, бүгінгі ұрпаққа бағыт - бағдар беретін және болашаққа жол ашатын мәңгілік рухани мұра.

С. Р. Нұртілеуова, Ж. Т. Ибраимова
ЖОО - ға дейінгі білім беру факультеті
ЖОО дейінгі дайындық кафедрасының аға оқытушылары