Алтын күз сайысы өтті

Алтын күз сайысы өтті

Әл - Фараби атындағы Қазақ үлттық университеті Жоғары оқу орнына дейінгі дайындық кафедрасында білім алып жатқан тыңдаушылар «АЛТЫН КҮЗ» атты іс - шара өтті. Бұл іс - шараның мақсаты білім алушылардың өнерге деген қабілетін дамыту, еңбексүйгіштікке баулу, табиғатты сүюге тәрбиелеу, ауызбіршілікке бейімдеу. Өнер мен шығармашылыққа толы кеште мамандықтар бойынша 6 жұп түрлі сайыстар бойынша бақ сынады. Атап айтар болсақ: 1.“Midnight sun” химия - биолигия, 2.“Angel” ағылшын тілі - дүниежүзі тарихы - құқық, 3.“Күнбағыс” физика - математика, 4.“Egypt empire” география - математика, 5.“Күн мен ай” қазақ тіл мен әдебиеті, шығармашылық, 6.“Beauty and the beast” информатика - математика. Бұл шараның әділ және шынайы болуы үшін әділқазылар сайланып, өз бағаларын беріп, шешімдерін шығарды. Сондай - ақ демеушілер де таныстырылып, кеш соңында өз марапаттарын ұсынды.
Шараға қатысушылар 5 аталым бойынша сынға түсті. Олар: 1. Love story, 2. Таныстыру, 3. Сән көрсетілім, 4. Үй тапсырмасы (қол өнер), 5. Өз өнерін көрсету.
“Кел, танысайық” сайысында жұптар видеоролик арқылы өздерін және бас жанкүйері - топ тыңдаушыларын таныстырды. Ал өнер сайысында талантты жұптардың көрсеткен өнерлері бірінен бірі асып түсті. “Күз сыйы” сайысында жеміс - жидектен түрлі туындылар жасалып, кеш тақырыбын аша түсті. Сән көрсету сайысында киім үлгілерін жасауда ешбір жасандылыққа жол бермей, қолөнерімен көрермендерді тәнті етті. “Алтын күздің” үздік жұбы - бас ханшайымы мен ханзадасы анықталып, жүлделі орындармен марапатталды. Сайыс қорытындысында кеш демеушілері Бектұрсын Жарас «FULL DETAILING AUTO», Қайрат Ерлік «EKA GAME», «EKA MOTORS», Мархабат Ерден «ARZANAVTOCHXOL_ALMATY» өздерінің сый - сияпаттарын лайықты деген мамандықтарға табыстады. Бас жүлдені “Күн мен ай” қазақ тіл мен әдебиеті, шығармашылық мамандығы «Шымбұлақ демалыс» орнына жолдамаға ие болса, 1 - орынға “Midnight sun” химия - биолигия, 2 - орынға “Egypt empire” география - математика, 3 - орынға “Күнбағыс” физика - математика мамандықтары ие болып «Медеу демалыс» орнына жолдама ұтып алған болса, Үздік қол өнер “Angel” ағылшын тілі - дүниежүзі тарихы - құқық, Көрермен көз айымы “Beauty and the beast” информатика - математика манадықтары болса «Кинотеатр» мен «ЕКА ойын клубына» жолдамаға иеленді.
Талантты тыңдаушыларымыз жарқырап, жеңімпаздарымыз биік шындарды бағындырып, қонар тұғырлары биіктей берсін!

Жоғары оқу орнына дейінгі дайындық кафедрасының
аға оқытушылары: С. Р. Нұртілеуова, Г. М. Мужигова