Шетелдік студенттермен тәрбие жұмысы

Шетелдік студенттермен тәрбие жұмысы

Әл - Фараби атындағы ҚазҰУ жоғары оқу орнына дейінгі білім беру факультетінің шетелдіктердің тілдік және жалпы білім беру дайындығы кафедрасында оқытушылар шетелдік студенттердің әлеуметтік - мәдени бейімделуіне ықпал ететін жоспарлы және мақсатты аудиториялық және аудиториядан тыс тәрбие жұмыстарын жүргізеді. Тәрбие жұмысы шетелдік студенттердің Қазақстан Республикасына жақсы қарым - қатынасын, интернационализм сезімін, оқытушыларға құрметпен қарауды және бір - біріне деген әдепті қарым - қатынасты қалыптастыруға бағытталған. Кафедра оқытушылары топ кураторлары болып табылады. Оқу үдерісі шеңберінде оқу тәртібін сақтау туралы жүйелі түрде әңгімелер жүргізіледі. «Шетелдік студенттердің құқықтары мен міндеттері», «жатақханадағы, университеттегі және қоғамдық орындардағы тәртіп ережелері мен нормалары туралы», «қоғамдық орындардағы қауіпсіздік ережелері туралы», «емтихан сессияларына дайындық туралы», «бөлмелердің санитарлық жағдайы туралы», «салауатты өмір салты туралы» тақырыптарда кураторлық сағаттар үнемі өткізіліп тұрады. Сондай - ақ мерекелік және мерейтойлық күндерге арналған әңгімелер де назардан тыс қалмайды. Кафедрада оқитын шетелдік студенттер тек орыс халқының мәдениетімен ғана емес, сонымен қатар Қазақстан тарихымен, салт - дәстүрлерімен, қазақ халқының өмірімен де үлкен қызығушылықпен танысады. Студенттерді Қазақстанның шындығымен және мәдени құндылықтарымен таныстыру мақсатында қала мұражайларына экскурсиялар өткізіледі. Алматы, облыс және республиканың мәдени және тарихи орындарына: Медеу, Шымбұлақ, Есік көліне, Шарын көліне, Түркістанға, Астанаға және т. б. көшпелі экскурсиялар ұйымдастырылады; театрларға, циркке, спорттық ойын - сауық орталықтарына бару, осының бәрі саяхат бағдарламасына енгізілген. Шетелдік студенттер кафедра, факультет өткізетін іс - шараларға, кештерге белсенді қатысады. Дәстүрлі: «Танысайық", «Ұлттық тағамдар фестивалі», «Жер – біздің ортақ үйіміз», «Студенттік көктем», «Наурыз мейрамы», «Орыс тілінен Олимпиада», спорттық жарыстар және т. б. Кафедра оқытушылары тәрбие жұмысы департаменті мен факультет деканаты өткізетін «Студенттер қатарына қабылдау», «Қазақ ұлттық киімі» атты түрлі іс - шараларға қатысады. Аудиториядан тыс жұмыс шетелдік студенттерге тіл мен мәдениетті қабылдау, менталитетті, ұлттық дәстүрлер мен әдет - ғұрыптарды, тұлғааралық қатынастарды түсіну арқылы басқа мәдениетке бейімделуге көмектеседі.

Ешимов М. П., Якубаева К. С.
Әл - Фараби атындағы ҚазҰУ
ЖОО дейінгі білім беру факультеті
Шетелдіктердің тілдік және жалпы білім беру дайындығы кафедрасы