Қазақстанда АЭС салу туралы

Қазақстанда АЭС салу туралы

Қазір Қазақстан халқының алдында, қоғамның әрбір мүшесінің алдында, басқа шешімдермен қатар, атом электр станцияларын салуға қатысты маңызды таңдау қабылдау тұр. Экономиканың серпінді дамуы үшін, тиісінше әлеуметтік саланың үдемелі қозғалысы үшін энергия қуаты қажет екенін бәріміз түсінеміз. Бүгінде біздің еліміз басқа елдерден электр энергиясын импорттай отырып, энергия тапшылығын сезінуде. Бұл Қазақстан халқының әл - ауқатына кері әсерін тигізеді. Бұл ретте Қазақстанның өз әлеуеті бар, оны дамыта отырып, қажетті тапшылықты толтыра алады.
Ел президенті Қасым - Жомарт Тоқаев өз сөзінде: "жақын болашақта біздің еліміз электр энергиясының айтарлықтай тапшылығына тап болуы мүмкін. Кейбір болжамдар бойынша, қатаң шаралар қолданбай, энергия тапшылығы 2030 жылға қарай алты гигаваттқа жетеді. Бұл біздің экономикамыздың өсу қарқынының айтарлықтай баяулауына және тұрғын үй - коммуналдық саладағы жүйелі дағдарысқа әкелуі мүмкін, бұл адамдардың өміріне теріс әсер етеді. Мәселенің шешімдерінің бірі атом энергетикасы болуы мүмкін, оны құруды энергетика секторының өкілдері белсенді түрде қолдайды. Біздің еліміз өндірілетін табиғи уран көлемі бойынша әлемде бірінші орында және ядролық отын компоненттерінің өзіндік өндірісі бар. Бұл біздің пайдалануымыз керек маңызды бәсекелестік артықшылығымыз". Мемлекет басшысының пікірі тек отандық және шетелдік ғалымдардың талдауы мен болжамдарына, сондай - ақ экономиканы, құрылыстарды дамыту үшін өмірлік маңызы бар осындай құрылыстарды пайдаланудың әлемдік тәжірибесіне негізделген.
Дегенмен, атом электр станцияларының болуы мен жұмыс істеуінің белгілі бір қауіптері бар. Олар жалпыға белгілі. Сондықтан Президенттің пікірінше, түпкілікті шешім шығару жалпыхалықтық референдум нәтижесінде қабылдануы тиіс, бұл ашықтықтың, Қазақстанның әрбір азаматының демократиялық құқықтарының барынша сақталуының дәлелі болып табылады. Біздің әрқайсымыз белгіленген мәселе бойынша дауыс беруге қатысып, өзіміздің жауапты шешімімізді білдіріп, сол арқылы еліміздің дамитын бағытын анықтауымыз керек.
Әл - Фараби атындағы Қазақ ұлттық университетінің шетелдіктерді тілдік және жалпы білім беру дайындығы кафедрасының ұжымы, елдің барлық белсенді азаматтары сияқты, Қазақстанда АЭС салу мәселесі бойынша референдумға қатысуға тиіс. Еліміздің әрбір әлеуметтік жауапты тұрғыны осы өзекті мәселе бойынша шешім қабылдауда өз түсінігін білдіруге міндетті. 2024 жылғы 6 қазанға жоспарланған референдум еліміздің барлық азаматтарының пікірін ескеретін объективті іс - шараның үлгісі болады деп ойдамыз.

А. Қ. Ахмедова
Әл - Фараби атындағы Қазақ ұлттық университетінің
жоғары оқу орнына дейінгі білім беру факультетінің
шетелдіктердің тілдік және жалпы білім беру
дайындығы кафедрасының аға оқытушысы