Наурыз – халықаралық мейрам

Наурыз – халықаралық мейрам

Жоғары оқу орнына дейінгі білім беру факультетінің шетелдіктердің тілдік және жалпы білім беру дайындығы кафедрасының аға оқытушысы А. С. Айтпаева бастап барған шетелдік студенттер әл - Фараби атындағы Қазақ ұлттық университеті деңгейінде Наурыз мерекесіне орай ұйымдастырылған Иран елінің «Иранның дәстүрлі музыкасы» атты концертін тамашалап қайтты.
Бұл мерекелік концерт барысында шетелдік студенттер Қазақстанда бұл Наурыз мейрамына ерекше көңіл бөлінетініне, ол елімізде өмір сүріп жатқан сан халыққа ортақ мереке екеніне куә болды.
Осы іс - шара арқылы шетелдік студенттер «Ұлыстың ұлы күні» аталатын бұл мерекенің тарихы тереңде жатқанын, Наурыз мерекесін тойлау дәстүрі дүние жүзі халықтарының көпшілігінің тұрмыс - салтында бағзы замандардан бері орын алғанын, Наурыз (парсыша «нау» - жаңа, және «руз» - күн ) - жаңа жылдың бірінші күні, көктемнің басы, жаңару күні екенін, бұл күні бүкіл табиғатқа, тіршілік иесіне, өсімдік, жан - жануарға ерекше сезім, қуат, қасиет нұры құйылатыны туралы тарихи мәліметтермен таныса алды.
Шетелдік студенттер концерт барысында бейне таспа арқылы «Ұлыстың ұлы күні» наурыз мерекесінің тойлануы тамашалай алды. Дәстүр бойынша іс - шара соңында кафедраның мұражайында сақталу үшін әрі тарих үшін жалпы фотосуретке түсті. Шетелдік студенттер мен оқытушылар тамашалаған концерттік нөмірлер жиналған жұртшылық көңілінен шықты.

А. Е. Саденова, А. С. Айтпаева.
Әл - Фараби атындағы ҚазҰУ
Жоғары оқу орнына дейінгі білім беру факультеті
Шетелдіктердің тілдік және жалпы білім беру
дайындығы кафедрасының оқытушылары