Кезектен тыс сайлау – жарқын болашаққа жол

Кезектен тыс сайлау – жарқын болашаққа жол

Заңды сайлау – елдің білім, экономика, мәдениет, әлеуметтік өмірінің барлық салаларының әрі қарай қарқынды дамып өсуінің кепілі болып табылады. Жалпыхалықтық қолдауға ие болған, бүкіл халық сайлаған Президент қана Қазақстанды жарқын болашаққа жетелей алады. Президент сайлауы – елдің болашағы, жарқын болашаққа жол. Сонымен бірге сайлаудың өткізілуі Қазақстанның Орталық Азия өңіріндегі көшбасшы және тұрақтылық діңгегі ретіндегі мәртебесін нығайта түсетіні сөзсіз.
Ел Президенті Қасым - Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында кезектен тыс Президент сайлауын өткізуді ұсынған еді. Мемлекет басшысы Қасым - Жомарт Тоқаевтың кезектен тыс Президент сайлауын 20 қарашаға белгілеуі, Конституцияға енгізілген өзгерістерге қол қойғаны дұрыс шешім деп ойламын. Президент сайлауының нәтижесінде еліміз саяси деңгейде де, білім беру ісінде де жаңа бір кезеңге көтеріліп, Қазақстанның саяси сахнасына жаңа күштердің келуіне жол ашылады деп ойлаймын. Сондықтан жауапты кезеңде еліміздің әрбір азаматы өз дауысын беріп, республикамыздың қандай бағытта дамитынын анықтауға өз септігін тигізу өте маңызды болып табылады. Сол себепті 20 қараша күні өтетін Президент сайлауының маңызы зор.
Болашақта сайланатын Президент ел дамуының бағыттарын белгілеп, елімізді халықаралық аренада таныстырады. Сондықтан әл - Фараби атындағы Қазақ ұлттық университетінің ұстаздар қауымы да бұл науқанды заң аясында жоғары деңгейде өткізуге барынша атсалысатын болады. Кезектен тыс өтетін бұл сайлау еліміздің өсіп - өркендеуіне жаңа серпін әкеледі және жарқын болашаққа жол болады деген сенімім мол.
Барша қазақ халқы алда келе жатқан кезектен тыс Президент сайлауын асыға күтуде. Бұл келе жатқан алдын ала сайлау бәріміз үшін өте маңызды тарихи жағдай. Бәріміз жаңа Қазақстанға бет бұрып жатырмыз. Ол біздің еліміздің болашағы. Осы орайда сайлауға барлығымыз белсенді түрде атсалысып, мемлекетіміздің өркендеуіне үлес қосқанымыз жөн.

Саденова А. Е.
Әл - Фараби атындағы Қазақ ұлттық университеті
Жоғары оқу орнына дейінгі білім беру факультеті
Шетелдіктердің тілдік және жалпы
білім беру дайындығы кафедрасы