Жириновский дүниеден өтті

Жириновский дүниеден өтті

6 сәуір күні ауыр әрі ұзаққа созылған науқастан кейін Либералдық - демократиялық партияның жетекшісі Жириновский дүниеден өтті.
«Ауыр және ұзаққа созылған аурудан кейін Владимир Вольфович Жириновский қайтыс болды. Жарқын, талантты саясаткер. Дүниенің қалай жұмыс істейтінін терең түсінген, көп нәрсені болжай білген адам. Мемлекеттік Думадағы ЛДПР фракциясының жетекшісі. Ол үнемі қалың істердің ортасында жүретін. Оның тұлғасы соншалықты ауқымды, онсыз қазіргі Ресейдің саяси жүйесінің даму тарихын елестету қиын», - деп жазды Ресей Мемлекеттік Думасының спикері өз Telegram - каналында.
Еске сала кетейік, кезінде Ресей Мемлекеттік Думасының депутаты Жириновский бұрынғы КСРО - ның барлық территорияларын Ресейге қайтаруға шақырды. Ресейлік саясаткер ТМД аумағындағы соңғы большевик Беларусь басшысы Александр Лукашенконың билік қолыннан кетіп бара жатқанын айтты. Оның пікірінше, қазір бұл республикада болып жатқанның бәрі - кеңестік жүйенің мұрасы.
«Беларусьте болып жатқанның бәрі кеңес саясатының мұрасы. Біріншіден, КСРО республикаларға бөлінді, қатаң саяси режимнің көмегімен 70 жыл бойы бірге болды. Соңғы 30 жыл бойы біз есептедік - олар біздің орбитада қалуы керек еді, ал бұл олай болмады», - деді Жириновский.
Ресей Либералды - демократиялық партиясының төрағасы сөйлесудің уақыты өтіп кеткеніне сенімді болды.
«Енді қатал әрекет ету керек - КСРО - ны саяси режим ретінде емес, барлық аумақтарды қайтару керек. Ешқандай республикаларға жол жоқ. Барлығы Ресейдің құрамында болу керек», - деді Жириновский.
2020 жылдың маусым айында Ресей телевизиясына берген сұхбатында Ресей басшысы Владимир Путин бұрынғы КСРО елдері бұл бірлестіктен шыққаннан кейін Ресей халқынан жерді сыйлыққа алды деп мәлімдеген болатын.
Кезінде Жириновский «Орта Азияда қазақ рулары жүрді, онда бәрі араласып кетті. Бірақ шекарасы бар мемлекет те, үкімет те болған жоқ, мұның бәрін Кеңес үкіметі жасанды түрде құрған екен».
Тіпті Жириновский қазіргі Қазақстан аумағында бұдан 300 жыл бұрын негізгі халық «жоңғар тайпалары» болғанын айтқан.
«Павлодар қаласы – 30 көшенің атын өзгертпекші болды: орысша атауларды қазақшаға беру. Жарайды, өз қазақ қалаларыңды салып, ол жақтағы көшелерге қазақша атау беріп жатырсыңдар, ал басқаныкі не істеу керек? Тіпті Петр I, былайша айтқанда, Коряковскийдің заставасы сонда құрылды - және тұз өндірушілерді қорғау. Кейбір жерлерде мемлекеттер, далалар, көшпелілер болған жоқ, ал тұз алыс емес – Орынборда, тіпті болашақ қала болатын Павлодарда. Осыдан 300 жыл бұрын Қазақстан қайда едің? Сіз жоқ едіңіз, жоңғар тайпалары болды, бірақ тайпалар болмады – «Жоңғария» елі болды».
Жириновскийдің айтуынша, бұл Қазақстан тұрғындарының «адамзат бәрін ұмытып, бәрі қазақтардың еншісінде қалады» деп ойлауымен байланысты. «Ешкім ештеңені ұмытпайды. Орыс әлемі, Ресей кеңістігі өз шекарасын қалпына келтіріп, тәртіп орнайды», - деді Жириновский.
Жириновский соңғы 30 жыл ішінде бұрынғы КСРО одақтас республикаларының тәуелсіздігіне қарсы ашық империалистік - шовинистік үгіт - насихат жүргізіп отырды. Алайда, қазіргі әлемдік - тарихи процесс және тарихи әділеттілік империялар құрған уақыттың құрдымға кеткенін көрсетеді!

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты