Ресей мен Украина арасында үлкен соғыс бола ма, бұл ашық сұрақ?

Ресей мен Украина арасында үлкен соғыс бола ма, бұл ашық сұрақ?

Бүкіл әлем жұртшылығы Украина төңірегіндегі жағдайға алаңдаулы. Шамасы, үлкен соғыс дайындалып жатыр, бұл 2014 жылдан бері жалғасып келе жатқан гибридтік соғыс туралы емес, авиация және тіпті, мүмкін, тактикалық ядролық қаруды қолдану арқылы болатын үлкен соғыс туралы.
Соңғы айларда Ресей Украина шекарасына әскерін тартып, одан да агрессивті риториканы қолданып, «НАТО - ның өз шекараларына жақындауына жол бермейді» (шекараларға әлдеқашан жақындағанына қарамастан) мәлімдеме жасауда. Қаңтардың басында (New York Times - тың мәліметі бойынша) Украинадан елшілері мен олардың отбасыларын эвакуациялай бастады. Оқиғалардың әрі қарай дамуының екі негізгі нұсқасы бар.
Көптеген айлар бойы Ресей өз әскерін Украина шекарасына жақындатып келеді. Көбісі әскерлер шекарадан «алыс» - шамамен 200 шақырым қашықтықта, бұл Украинаға ешқандай қауіп төндірмейді деп санайды. Естеріңізге сала кетейін, 200 шақырым – кез келген моторлы қондырғы бір қозғалтқышқа жанармай құю кезінде небәрі 2 - 3 сағатта өте алатын қашықтық.
НАТО - ның бас хатшысы Йенс Столтенбенг ресейлік әскерлерді жинақтау жалғасуда, ал Ресей батыс (украин) бағыттағы әскерлер тобын ұлғайтып жатыр деп мәлімдеді. Бұл ақпаратты Maxar Technologies спутниктік суреттеріне сүйенетін Reuters агенттігі растады. Суреттерде әскери базаларда қатар - қатар қойылған жүздеген әскери техника бейнеленген.
5 қаңтарда Мәскеуге 18 адам (негізінен ресейлік дипломаттардың әйелдері мен балалары) аттанса, жақын күндері Киевтегі елшілік пен Львовтағы консулдық ғимаратынан тағы 30 - ға жуық адам шығарылды.
Сондай - ақ, New York Times ақпарат көзінің хабарлауынша, Ресейдің тағы екі консулдығының дипломаттарына Украинадан кетуге дайындалуға бұйрық берілген. Өздеріңіз түсінгендей, мұндай әрекеттер тек бір ғана нәрсені білдіреді - үлкен соғысқа дайындық.
Дегенмен, мұның рас па, жоқ па екені әзірге белгісіз – Ресей Сыртқы істер министрлігінің мәліметінше, Украинадағы барлық Ресей елшіліктері мен консулдықтары әдеттегідей жұмыс істеп жатыр. Ал АҚШ шенеуніктері Ресейдің Украинадан дипломаттары мен олардың жанұяларын эвакуациялап жатқаны туралы ақпараттың да бар екенін айтады.
Үлкен соғыс бола ма, бұл ашық сұрақ. Менің ойымша, Путин және оның айналасындағылар (балалары мен отбасылары өте ыдырап бара жатқан Батыста, НАТО - ның ұясында тұрады) жай ғана блеф жасап жатыр – Батысқа психологиялық қысым көрсетіп, Украинаны НАТО - ға қабылдамауға мәжбүрлеуде.
Тағы бір нұсқа да мүмкін - Путин мен оның төңірегіндегілер тым алысқа барып, тұзаққа түседі - және өздерінің ресейліктердің алдында рейтингін жоғалтпау үшін олар шын мәнінде үлкен соғысты бастауға барады.
Дегенмен, мен оның соғысқа келмейтініне сенемін.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты