Денсаулық – зор байлық

Денсаулық – зор байлық
© kaznu.kz
Табиғаттың ең қымбат жемісі дені сау адам болып табылады. Адам өміріндегі ең маңызды құндылық – денсаулық. Әрбір адам өз денсаулығы үшін жауапты және денсаулығының мықты болу жолдарын қарастыру керек.
Қазіргі коронавирус пандемиясына байланысты карантиндік жағдай кезінде де елімізде білім беру саласы жұмысын тоқтатпай жалғастыруда. Әсіресе, әл - Фараби атындағы ҚазҰУ - ң жоғары оқу орнына дейінгі білім беру факультетінде қашықтан білім берумен қатар, шетелдік студенттермен онлайн форматында рухани - танымдық іс - шаралар өткізіліп отырады. Шетелдік студенттер үшін арнайы онлайн түрінде «Денсаулық – ең басты құндылық», «Салауатты өмір салты», «Тазалық – денсаулық кепілі» секілді тақырыптарда тәрбиелік іс - шаралар ұйымдастырылып, өткізіліп отырады. Шетелдік студенттер табиғатты адам тіршілігінде қажетіне дұрыс пайдалануды, денсаулығына зиян келмейтіндей жағдайда болуын қадағалауды, салауатты өмір салтын ұстануды сөз ете отырып, барлық ұлттарды толғандырып отырған, барлық азаматтардың денсаулықтары мен рухани саулықтары ойландыратын, қазіргі коронавирус пандемиясына байланысты әлемде және елде жарияланған төтенше жағдайында тазалық сақтау, вакцина салдыру, карантин аяқталғанша сақтық ережелерін сақтау туралы мәліметтермен танысып, ойларымен бөлісіп отырады. Осындай іс - шараларда баяндамалар жасалып, адамның денсаулығы – қоғам байлығы, әрбір адам өз денсаулығының мықты болу жолдарын қарастыру керектігін, дені сау адамның көңіл - күйі көтеріңкі болып, еңбекке әрқашан құлшына кірісетіні жайында баяндалып, студенттер көтерілген мәселелер жөнінде көптеген сұрақтар қоя отырып, осындай денсаулық тақырыбына арналған онлайн түріндегі іс - шараларға шетелдік студенттер белсене қатыса отырып, меңгерген білім деңгейлерін көрсете алады.
Сонымен бірге, шетелдік студенттердің әлеуметтік өмірін жақсарту, бос уақыттарын тиімді қолдану, денсаулықты сақтау және нығайту, сапалы тамақтану, зиянды нәрселерден аулақ болу мақсатында факультетімізде көптеген іс - шаралар атқарылып келеді. Факультетте күнделікті сабақтардан бөлек волейбол, баскетбол, тоғызқұмалақ, шахмат ойындары ұйымдастырылып отырады. Студенттердің спортқа деген қызығушылығы өте жоғары. Салауатты өмір салтын арттыруда жастарды спортқа баулудың маңызы зор!

А. Е. Саденова., Т. В. Курманова., Г. М. Мужигова
Әл - Фараби атындағы ҚазҰУ,
жоғары оқу орнына дейінгі білім беру
факультетінің оқытушылары