Германия Ресей Федерациясының «Үлкен жетілікке» оралуына қарсы

Германия Ресей Федерациясының «Үлкен жетілікке» оралуына қарсы

Ресейдің «Үлкен жетілікке» оралуы Донбастағы әскери қақтығысты және аннексияланған Қырымдағы жағдайды шешпейінше мүмкін емес, - деді Германияның сыртқы істер министрі Хайко Маас.
Германия АҚШ президенті Дональд Трамптың Ресейді G7 тобына қайтару туралы ұсынысына қарсы. Бұл туралы Германияның сыртқы істер министрі Хайко Маас «Rheinische Post» берген сұхбатында мәлімдеді.
Ол Ресейдің «Үлкен сегіздіктің» құрамынан шығарылуының себебі Қырымды аннексиялау және Украинаның шығысындағы Ресейдің агрессиясы екенін еске салды. Маас бұл мәселелер шешілмейінше Ресей Федерациясы G7 тобына орала алмайтынын атап өтті.
Германия сыртқы істер министрі сонымен қатар Трамптың G7 саммитіне Австралия, Үндістан және Оңтүстік Кореяны шақыру жоспарларына түсініктеме берді - ол G7 және G20 «келісілген екі формат» екенін, сондықтан G11 немесе G12 - ді қажет етпейтінін атап өтті.
G7 тобына АҚШ, Италия, Жапония, Канада, Франция, Германия және Ұлыбритания кіреді. Мемлекет басшыларының кездесулері әр жылы кезек - кезек өткізіліп тұрады. Трамп биыл G7 көшбасшысы. Ресей 1997 жылдан бері әлемдегі ең дамыған елдердің бейресми клубының саммиттеріне қатысты. G7 елдері G8 форматынан 2014 жылы наурызда Қырымды аннексиялауына байланысты бас тартты.
Келесі G7 саммиті АҚШ - да 2020 жылы маусымда өткізілуі керек еді. Мамыр айының соңында Трамп оны қыркүйекке ауыстыру туралы шешім қабылдағанын, сондай - ақ жиналысқа тағы төрт елді - Ресей, Австралия, Үндістан және Оңтүстік Кореяны шақыру ниетін жариялады.
Ұлыбритания, Канада, Франция және Германия Трамптың бастамасын сынға алды. ЕО - ның сыртқы және қауіпсіздік саясаты жөніндегі жоғарғы өкілі Жозеп Боррель Трамптың идеясын сынға алды және Ақ үйдің басшысы G7 форматын өз бетінше өзгерте алмайтынын атап өтті.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты