Сайтқа кіру Тіркелу

Бүгінгі мектеп түлегі – ертеңгі елдің тірегі

Білімділігі: Оқушылардың білім шыңына талпынуда алғашқы қадам жасаулары үшін бойларында қандай қасиеттер болуы керек, неге бейімделу керектігі жайлы ойларын білу, ой бөлісу.
Дамытушылығы: Жеке тұлғаның сапалық қасиеттерін арттыру, жеке тұлға қалыптастыру бағытында дүниетанымын кеңейту.
Тәрбиелілігі: Оқушыларды терең білім алу жолында үздіксіз еңбектенуге, Отансүйгіштікке, адамгершілікке, еңбекқорлыққа тәрбиелеу, өз мамандығын дұрыс таңдай білуіне дұрыс бағыт - бағдар беру.
Көрнекілігі: Қанатты сөздер, техникалық құрылғылар, кітап көрмесі т. б
Барысы:
Ашылуы: Би "Қылыш биі»

Гүлсая: Қайырлы күн, құрметті ұстаздар, аяулы аналар, оқушылар! Сіздерді алда келе жатқан көктемнің жайма шуақ мезгілімен тұстас келген 8 – наурыз – Халықаралық әйелдер күнімен құттықтаймыз!

Мирас: Бүгін баршаңызда 2 Б - сыныбының «Бүгінгі мектеп түлегі - ертеңгі елдің тірегі»тақырыбындағы ашық тәрбие сағатымызға қош келдіңіздер!

Мұғалім: Құрметті оқушылар! Сіздер сәбилік, балалық шақты артқа тастап есейіп қалдыңыздар! Әрбіреуіңнің алдарыңа қойған басты мақсаттарың бар - бұл - білім шыңына талпыну, келешек елдің білімді ұрпағы болып, өз елінің ертеңі, тірегі болу.
Гүлсая: Мектеп деген – киелі ұғым, ғажап ат.
Тынысы мен тіршілігі ғаламат.
Бала шақтан болашаққа ұмтылған
Түлеп ұшты талай – талай азамат.

Мирас: Мектеп - сенсің адалдықты үйреткен,
Мектеп - сенсің жамандықты күйреткен.
Мектеп - сенсің жақсылықты ұран қып,
Мектеп - сенсің мені жұртқа сыйлы еткен.

Гүлсая: Мектеп деген - білім кені, жыр кені,
Мектеп деген - ғылымның ең үлкені.
Мектеп деген - тәрбиеші адамға,
Мектеп деген - даналардың мекені.

1 - оқушы: Білімнің қайнар бұлағы,
Өнердің жарқын шырағы.
Тұрағы өзің, мектебім,
Шәкірттің асыл қырағы.
2 - оқушы: Мектебім - мәңгі бапкерім,
Қарызбыз саған бәріміз.
Өзіңе деген парызды,
Ақтаймыз талай әлі біз.
3 - оқушы: Ұлылықты ардақ тұтар үнемі,
Алтын ұя, ақ босаға киелі,
Қанат қаққан білім алып өзіңнен,
Күллі шәкірт саған басын иеді.
4 - оқушы: Тәуелсіз Қазақстан байтақ жерім,
Қуаныш құшағында бүгін елім.
Балалар аманатын алға тартар,
Жас ұрпақ алдарыңда міне, бүгін.
Хор: Қазақстаным

Мирас: Бойларында от бар екен байқадым,
Жүректерде шоқ бар екен байқадым.
Әрқашанда осы шоқты өшірмей,
Жалындатып шарықтаңдар әрдайым!

Гүлсая: Дүние ойдан шығады,
Өзімді - өзім ұмытып.
Көңілім әнді ұғады,
Жүрегім бойды жылытып дегендей, - келесі кезекті әнге береміз.
Би: Кеңжайлау
Дарабоз бен Ақгүлдің орындауында «Балдәурен» әнін тамашалаңыздар.

Мұғалім: Іргелі іс - ізденістен туындар,
Бар ізгілік - тек білімнен алынар,- демекші Пайғамбарымыз
Мұхаммед (с. ғ. с): «Білімді игеру әр бір мұсылманның міндеті», - дейді.
Сондықтанда ата - бабаларымыз: «Оқусыз білім жоқ, білімсіз күнің жоқ», «Білекті бірді жығар, білімді мыңды жығар»,- деген секілді көптеген нақылдар қалдырған.
Баяғыда бір кісі данышпаннан «Білім артық па, байлық артық па?» деген сұрақты қойған екен. Сонда данышпан былай деп жауап берген.
Дамир: 1. Білім артық, өйткені, ол – пайғамбарлардан қалған мирас, байлық – басқалардан қалған мұра.
Жания: 2. Білім артық, білімдінің жанында адал достар көп болады, ал бай адамның қасында амал достар көп болады.
Дамир: 3. Білім артық, ол досыңды көбейтеді, байлық дұшпаныңды арттырады.

Жания: 4. Білім артық, оны қанша жұмсағанмен азаймайды. Байлықты жұмсай берсең, бір күні түгесіледі.
Дамир: 5. Білім артық, оны ұры - қарыдан сақтаудың керегі жоқ, ал жиған дүниеңді сырт көздерден қорғаштаумен өтесің.
Жания: 6. Білімің көп болса ел саған қызығады, байлығың көп болса ел сені қызғанады, білімнің артық болатыны сол.
Дамир: 7. Білім артық, ол кісілігің мен кішілігіңді арттырады. Байлық болса сараңдық пен қомағайлығыңды арттырады.
Жания: 8. Шынайы білімді адам орнымен сөйлейді, ізеттілігі де артады. Байлығы мол адам оған мастанып мақтанады, астамшылық көрсетеді, сондықтан білім артық, деген екен.

Гүлсая: Мирас, сен қалай ойлайсың, білім артық па, байлық артық па?
Мирас: Әрине білім артық емес пе? Елбасының өзі «Ұлт болашағы білімді ұрпақ қолында» деп бізге білімді көп игеру керек екенін атап айтқан ғой.
Ендеше, келесі кезекті биге берелік «Торсық» би»

Гүлсая: Арыстандай айбатты
Жолбарыстай қайратты
Қырандай күшті қанатты
Мен жастарға сенемін, - деп ақын Мағжан Жұмабаев айтқандай сыныбымыздың жас сөз шебері, болашағы жарқын дарындардың бірі Алтынбекқызы Айқынды ортаға шақырамыз.
«Тәуелсіздік» - мәнерлеп оқу
Би: Ата толғауы
Мирас: Гүлсая, бағанадан бері білім туралы айтып жатырмыз, бізді білім нәрімен сусындатып жатқан ұстаздарымызды неге айтпасқа?
Гүлсая: Дұрыс, айтасың Мирас, мен ең құрметті мамандық ұстаздық деп білемін.
Мирас: Неге олай деп ойлайсың?
Гүлсая: Себебі, жас ұрпаққа білім беруде бар күш - жігерін аямай тер төгіп жүрген ұстаздарыма қызыға қараймын. Көп нәрсеге үйреткен алғашқы ұстазымызға алғысымыз шексіз. Өзімнің сүйікті ұстазым сияқты өскенде мен де мұғалім болғым келеді.
Мирас: - Ендеше, келесі әнімізді ұстазымызға арнайық.
Гүлсая: Орынбасарова Айдананың орындауында «Ұстазым» әні қабыл алыңыздар.
Мирас: Қоңыр үнді даусы әсем таңдардай,
Ұстазымның жүзіндегі нұр қандай?
Мейірлене қарап қойып біздерге,
Күн астынан сабақ беріп тұрғандай.
Гүлсая: Хор «Ұстазым»
Мүбаракова Ақниеттің орындауында «Мектебім» әнін қабыл алыңыздар.
Мұғалім: Ақ сүт беріп аялаған,
Бізден бәрін аямаған. Жанашырым саялаған, Ол кім? Бәрі: Аяулы анамыз.
Ия, жарық дүниеге әкеліп, өмір сыйлаған ата – анамызға қандай жақсылық жасасақ та артық болмас еді. Ендеше, аяулы анамызға арнаған өлеңдерімізді бастайық.

Мирас: Сыныбымыздың үздің оқушысы, мәнерлеп оқу сайыстарының жеңімпазы Ерниязов Қанжарбекті ортаға шақырамыз.
О, Ана, Ана! Баубек Бұлқышов - мәнерлеп оқу

5 - оқушы: Ана өмірдің қуанышы тірегі,
Бала оның жұбанышы жүрегі,
Ана алдында ел жауы да бас иген,
Олар дәйім тыныштықты тілейді.
6 - оқушы: Ана десем алғыс алам халқымнан,
Ана десем теңіз болам шалқыған.
Ана десем ашылады қабағым,
Ана десем әділдікті ұғамын.
7 - оқушы: Аяулы менің анашым,
Өсірдің мені мәпелеп.
Түн ұйқыңды төрт бөліп,
«Қошақаным», «Әкем» деп.
8 - оқушы: Айналайын анашым
Ақ сүт беріп өсірген.
Түн ұйқысын төрт бөліп,
Қате кетсе кешірген.

Мирас: Жылы жүзің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай.
Мүбаракова Ақниеттің орындауында «Ақ мамам» әнін қабыл алыңыздар.
Би: Неміс биі
Ән: Орынбасарова Айдана «Анашым»
Би: Одесей биі
Би: Өзбек биі
Гүлсая: Ата - анаға қымбат - ау бала заты,
Естілмесе дейді екен жаман аты.
Бүгінгі күн ата - анаға сөз береміз,
Бар ма екен біздерге айтар аманаты. Жас ұрпақтың жүрекжарды қуанышын бөлісіп, шашуын ақ тілек батасымен өріп, ортамызға келіп отырған ата - аналарға сөз беріледі.
Ата - анаға сөз -----------------------------
Ән: Мүбаракова Ақниеттің орындауында «Ақ мамам» әні.

Мұғалім: Ұрпағы, ұландары текті жердің,
Қашанда болмысына сүйенемін.
Келешек ғалымдар да, даналар да,
Шығады өздерінен деп білемін!
Құрметті ата - аналар! Сіздің ұрпағыңыз бүгінгі шәкірт – мектеп түлегі болса, Егемен еліміздің ертеңгі болашағы!

Гимнастика Тұрғанбай Аруназ
Талмасын қанат, сөнбесін үміт,
Армандар алға жалғансын.
Соқса да дауыл, өрт болып өмір
Қанаттар балғын талмасын.

Қорытынды сөз: Міне ашық тәрбие сағатымызда аяқталуға таяп қалды.
Оқушыларға білім жолындағы қанаттарың талмай білім көгіне самғай беріңдер деген тілек айтқым келеді.

Ән: Сағындық Айдана мен Жеңісбекұлы Димаштың орындауында «Аяулым мектебім» әнін қабыл алыңыздар

Жандары қаламайтын аласаны,
Өрендер алда талай бел асады,
Әлемге туған халқын танытатын,
Шәкірттер – еліміздің болашағы!
Назарларыңызға рахмет!
Кері қайту
Ұқсас жаңалықтар:
Бастауышым – балбұлағым

Бастауышым – балбұлағым

Бұл оқу тамақ болар қарны ашқанда, Жол табар қараңғыда адасқанда. Мал озбас біле білсең білім озар, Ақыры керек болар бір сасқанда, -...
Бүгінгі мектеп түлегі - ертеңгі елдің тірегі

Бүгінгі мектеп түлегі - ертеңгі елдің тірегі

Оқушылардың білім шыңына талпынуда алғашқы қадам жасаулары үшін бойларында қандай қасиеттер болуы керек, неге бейімделу керектігі жайлы ойларын білу,...
Ана - өмірдің гүлі

Ана - өмірдің гүлі

Тәрбие сағаты Тақырыбы: «Ана - өмірдің гүлі» Сабақтың мақсаты: 8 - наурыз Халықаралық әйелдер күнімен аналарды құттықтау....
Бас иеміз – ана деген тәңірге!

Бас иеміз – ана деген тәңірге!

Мақсаты: 1) 8 – наурыз - Халықаралық әйелдер мерекесін атап өту. 2) Ана деген мейірімді, сүйіспеншілікті арттыру, үлкенге ізет кішіге үлгі бола...
Кемел келешек кілті - білімде

Кемел келешек кілті - білімде

Жезқазған қаласындағы №10 орта мектеп директорының оқу-тәрбие ісі жөніндегі орынбасары Досмаганбетова Жумакул Абсаматовна...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×