Армысың, алғашқы қоңырау!

1 - жүргізуші
Мереке зор қуаныш – Білім күні,
Сыңғырла, қоңыраудың алғашқы үні.
Қош келдің, құтты болсын қадамдарың,
Балдырған, балғын жандар - өмір гүлі.
Құрметті ұстаздар, оқушылар! Қадірлі ата - аналар!
Салтанатты жиынға арнайы келіп отырған қонақтар! Баршаңызды бүгінгі жаңа оқу жылының басталуымен және білім күнімен құттықтаймыз! Білім есігін ашар жас бүлдіршіндер, алғашқы қадамдарыңыз құтты болсын!
Дархан даламызға білім нұрын таратушы Ыбырай Алтынсариннің қоңырауы бүгінде жүздеген, мыңдаған қоңырауға қосылып, кәусар бұлақтай сыңғырлайды. Біздер де бүгін білімге сапар шегеміз.
1 - жүргізуші
Көк байрақ иілмесін, жығылмасын,
Көзге жас, кеудеге өксік тығылмасын.
Тұрғанда көкшіл туы көкті тіреп,
Қарағым сен қашанда тұғырдасың.
Салтанатты жиынға ҚР Мемлекеттік туы шығарылсын.

Алғашқы әскери дайындық жетекшісі Б. Құлжанов мектепті сапқа тұрғызып, «Армысың, алғашқы қоңырау!» атты жиынына дайындығы туралы рапорт береді.
Ажырамай мектептен бір ел сіз,
Жақсылыққа жаралған жүрегіңіз.
Сөз берелік құрметпен өзіңізге,
Шәкірттерге арналсын тілегіңіз,- дей отырып, жиынды ашып беру үшін мектеп директоры Калменов Манақбай ағайға сөз кезегін береміз.

1 - жүргізуші
Батырлыққа уызынан жарыған,
Ер түркіні байрағынан таныған.
Өзі ақын, өзі әнші халыққа,
Жарасады жігер берер Әнұран.
Ән ұран қойылады.
1 - жүргізуші
Әлемге ұлылығын мойындатқан,
Тәуелсіз егемен ел Қазақстан!
Осынау жылдар ішінде таңғажайып,
Қарқынмен болашаққа қадам басқан.
Бүкіл Қазақстан халқын «Тәуелсіздігіміздің 24 жылдық» мерекесімен құттықтаймыз, құтты болсын ағайын.
«Қазақ халқының Ассамблеясының 20 жылдық» мерей тойына арналып жазылған ұлағатты ұстаз Иноятова Салтанат апайдың баяндамасын оқуға ортаға шақырамыз.
1 - жүргізуші
Қонақ деген ырысың мен мерейің,
Енді аяңдап қонақтарға келейін.
Білім күні мерекесі ортақ болған
Қонақтарға сөз кезегін берейін - деп, аудан және ауыл әкімдігінен келген қонақтарға сөз кезегін берейік.

1. Дербісек елді мекенінің әкімі ____, орынбасары ___ аға
2. Қазақстан Республикасына еңбегі сіңген еңбек ардагері, Дербісек елді мекенінің ардагерлер кеңесінің төрағасы Сайлаубай Мырзабайұлы
3. Облыстық мәслихат депутаты, ел ағасы Шонабаев Сәрсен ағамыз
4. Аудандық маслихаттың 3 шақырылымдық депутаты, Дербісек елді мекенінің бастауыш «НұрОтан» партиясының төрағасы Нұрбеков Полат атамыз
5. Ұлағатты ұстаз Майрихова Анапия
6. 2011 жылдан бері ата - аналар комитетінің төрағасы қызметін атқарып, мектебімізде өткен іс - шаралардың басында жүріп, өз дәрежесінде өткізілуіне септігін тигізген Төлешов Боранбай ағамыз.

1 - жүргізуші
Ән: «Ұстазым» орындайтын 9 сынып оқушылары Ізтұрған Айжан мен Оштан Арай.

1 - жүргізуші
Бастауыш 1 - 3 сынып оқушыларын ортаға шақырамыз.
Олар «Білім күні», «Тәуелсіздік» «Ұстаз» тақырыбында өлең оқиды.
1.
2.
3.

1 - жүргізуші
Түрлі хабарламалармен таныстыру үшін директордың оқу - ісі жөніндегі орынбасары Жұмаділлаев Жолдас ағайға сөз кезегін береміз.

1 - жүргізуші
Қағылмақ міне әуенге бөлеп,
Қағылмақ алғашқы қоңырау.
Нұр толып жүзің, гүл толы құшақ,
Шаттыққа толы омырау.
Алғашқы қоңырауды соғу үшін ортаға 1 сынып және 11 сынып оқушылары шығады.

1 - жүргізуші
Салтанатты жиыннан ҚР Мемлекеттік туы шығарылсын.
1 - жүргізуші

Алғашқы білім күні құтты болсын!. Ендеше бүгінгі салтанатты жиынымызды аяқтап, қонақтарымыз бен шәкірттерімізді «Қазақстан 2050 жолы: Бір мақсат, бір мүдде, бір болашақ» атты алғашқы ашық тәрбие сабағына шақырамыз.