Жалғыздың – жары Алла – жабыққанға –
қасыңда, қаймыққанда, қамыққанда.
Күш бітіп кетеді екен Хақ қолдаса,
Тас батып табаныңа тарыққанда.
Аллаға жоламаймын құралақан,
Азансыз атпайды енді бір ала таң.
Құлшылық, Құранымдай құралымсың,
Бес мезгіл сәжде құшып құлап жатам.
Дұғалар, мені сүйер қорғанымсың,
Сүрелер, ықтасынсың, орманымсың.
Аяттың тиіп жатыр көп көмегі,
Басында солқылдақ күй болғаны шын.
Алладан енді қайтіп ажыраман,
Алламен дүр сілкінді мажыра маң.
Алдымды ойлаймын мен...
Ертең кіммін,
Есен - сау тұрғаныммен қазір аман?!...
Келгесін Жұма тағы өрлеп төрге,
Берейін еркін алып жыр - кептерге.
Сәждеге мешіт барып жығылмасам,
Ниетім, құлшылығым құр кетпей ме...
Биғали Шоман
Дұғалар, мені сүйер қорғанымсың
- ramuk_b
- 1 қараша 2019
- 1062
- 0
Ілмек сөздер: Дұғалар, мені сүйер қорғанымсың, Биғали Шоман өлеңдері
Жанашыр дос
Бұрмаса да бір мойнын маған несіп, Әр таңда үйдің сыртынан жабам есік. Ақ қарды айырып келатсам көше кезіп, Ала күшік қалмайды маған ілесіп....Достарға сый
Жапалақтап жауып тұр ұлпа тағы, Сиреп қапты көшеде жұрт қатары. Бірдеңесін жатқандай үлестіріп, Мені бір күш барады сыртқа тартып....Жеңісім
Кейде адаммын, Ал, көбіне пендемін, Құдай болмай, Кейде сезім – сенгенім. Іздегенде інілікке ізгіні, Қас қылғандай таптырмайды емге мін....Сына мені, сына тағы, сынап бақ
Хақ - тағалам, маған қатты ұнайсың! Сұқ көзіңді менен сыртқа бұрмайсың. Басқаларға батпай қойды бармағың, Мені ғана, мені ғана сынайсың....Тағы бір жұма
Елемей кеткен елең сезімге, Тәкаппар көңіл төмендесін бе?! Сауықтың суық көлеңкесінде, Сыраға мәз боп жүрген кезімде Қолын сілтеді тағы бір жұма......Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.