Сайтқа кіру Тіркелу

Ашу туралы мақал-мәтелдер

Жақсы кісінің ашуы - шай орамал кепкенше.

Қатты күркіреген күн
Тез ашылады.
Қатты ашуланған адам
Тез басылады.

Анадан артық дос бар ма?
Ашудан жаман қас бар ма?
Жиырма бестен жақсы жас бар ма?
Қымыздан тәтті ас бар ма?

Ашуың келсе — қолың тарт,
Айтпас жерде — тілің тарт.

Сөзің тәтті болсын,
Ашуың қатты болсын.

Ашу келсе - ақыл кетер,
Ашудан ақыл көп болса,
Ашу не етер?

Қайсы бірде қайырымды да ашуланар.

Ашу — дұшпан, ақыл — дос,
Ақылыңа ақыл қос.

Ашумен басталған іс
Абыройсыз аяқталады.

Ашу дұшпан, ақыл дос -
Ақылыңа ақыл қос.

Ақыл — дос, ашу — дұшпан.

Ашу асып жүрген жерде,
Ақыл қашып жүреді.

Ашу — шабыстырады,
Ақыл — табыстырады.

Ашу — садақ,
Ақыл — таяқ.

Ас тасыса, қатығы төгілер,
Ашу тасыса, ақылы төгілер.

Ақылы аздың — ашуы көп,
Таяз судың тасуы көп.

Ашу түбі — кейіс,
Ақыл түбі — кеніш.

Досың аз, дұшпаның көп болса —
Зор боласың.
Ақылың аз, ашуың көп болса —
Қор боласың.

Ашу — пышақ, ақыл — таяқ.

Аюды жеңген — жарты ер,
Ашуды жеңген — бүтін ер.

Ашулыдан алты табан қашық тұр.

Ашу үстінде
Ант жүрмейді.

Ашу – садақ, ақыл – таяқ.

Асығыста – салмақты бол,
Ашу қысса – ұстамды бол.

Ашуланса,
Көшке берген тайлағын алсын.

Ит десең ашуланып, күшік десең күледі.

Ашулының алдында тұрма.

Ашу арындайды,
Ақыл соңынан аяндайды.

Ашу тұрған жерде, ақыл тұрмас.

Ақылдан ашу көп болса, ақыл кетер,
Ашудан ақыл көп болса, ашу не етер.

Ит дегенге ашуланып,
Күшік десең күледі.

Қайтып келер есікті қатты серіппе.

Ашу - қайнар, ақыл дос, ақылыңа ақыл қос.

Қараның ашуы келгенде сарының жаны шығады.

Көргенсiз дегенге ашуланба,
Көрмей бiлмессiң.

Ашу ақылдың дұшпаны,
Нәпсі иманның дұшпаны.

Қатын ашуланса қазан қайнатар.

Әйел ашуланса, екі көзіне әлі келеді.

Керіспейінше, ашу басылмайды.
Жел тұрмайынша, күн ашылмайды.

Аш адам көп жейді,
Ашулы адам көп сөйлейді.
Оң қолыңның ашуын сол қолыңмен арашала.

Биттің ашуын сіркеден алады.

Ашулының алдына шықпа.

Ашулы жанның жанына жолама.

Орынсыз ашу — от шашу.
Кері қайту
Loading...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету