Сайтқа кіру Тіркелу

Жақсылық туралы мақал-мәтелдер

Жақсылық терек басында,
Жамандық тізең астында.

Жақсылық қылсаң өзіңе,
Жамандық қылсаң өзіңе,
Аспанға қарай оқ атсаң
Қайтып тиер көзіңе.

Жақсылықты қызғанба,
Бәріңізге жетеді.
Жақсы болып бір жүрсең,
Дүние қызық өтеді.

Жаманшылық пен
Жақсылық егіз.

Жақсылық жар басында,
Жамандық жастық астында.

Жақсы да, жақсылық та жалпыға ортақ.

Жақсылық таудың басында,
Жамандық табан астында.

Жамандық қылғанға –
Жақсылық қыл.

Жақсылықтың ерте - кеші жоқ.

Көптен жақсылық құтылмайды,
Аздан азап арылмайды.

Отырам деп, еріншек өлер,
Кісіге жақсылық қылам деп, көңілшек өлер.

Жамандық жақын, жақсылық алыс.

Жамандықты көп қусаң,
Құтылмас пәле жолығар,
Жақсылықты көп қусаң,
Бақ - әулетің молығар.

Жаңа айдан жақсылық.

Нұрдың суы - нудың суы.

Жақсылық қылсаң бүтін қыл.

Жақсылыққа жақсылық - әр кісінің ісі дүр,
Жамандыққа жақсылық - ер кісінің ісі дүр.

Жақсылық еткен кісінің
Есігінен Қыдыр кетпейді.

Жақсылық қылсаң жақсылық табарсың,
Жамандық қылсаң жамандық табарсың.

Отыз күн оразаның бір айты бар, әр қылған жақсылықтың бір қайты бар.
Адамға қылсаң жақсылық,
Жақсылық білмес кей заңғар.
Жақсылыққа жамандық жасайтын,
Дүниеде бейиман көп жандар.

Жақсыға қылған жақсылық, өмірінше тозбайды,
Жаманға қылған жақсылық, бір күнгідей болмайды.

Жақсы келді дегенше, жарық келді десеңші,
Жақсылықтың ұрығын алып келді десеңші.

Жақсылық ағаш басында, жамандық аяқ астында.

Жақсыда кек жоқ.

Жақсы әйел теңі жоқ жолдас,
Түбі жоқ сырлас.

Ай жарығы – әлемге,
Шам жарығы – түбіне.

Жақсылық қылсаң жасыр,
Жақсылық көрсең асыр.

Аз жақсылық —
Ақылды тең етеді.
Көп жақсылық —
Ақылды кең етеді.

Жақсылық жүрген жерде
Тапшылық болмайды.

Жақсылықты басыңа қыл,
Басыңнан артылса досыңа қыл.

Жақсылыққа жерік кісі —
Уәдесіне берік кісі.

Жігіттің жақсылығын
Жұрты білер.

Жақсылық біреуден қайтпаса,
Біреуден қайтады.

Жақсы ай менен күндей,
Жақсылығы жанның бәріне бірдей.

Жақсылық ұмытылмас.

Жақсылық етсең, жарты етпе.

Жақсылық еккен алғыс орады.

Елге қылған жақсылық,
Еленбей қалмайды.
Еңбек еткен ерінбей —
Кенелмей қалмайды.

Әкенің жақсылығы жездедей - ақ.

Жақсылыққа асыққаның –
Берекет.
Жамандыққа асыққаның –
Пәлекет.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×