Баяғыда бір кедей көшерге көлігі болмастан, жыл сайын қыстауда қала береді екен. Бір күні оның үйіне елді сүлікше сорған бір ұлық келіпті.
— Сені жарлы қылған мен емес ем, жазған Құдайыңа жыла. Жан басы алпыс қадақ бидайдан, үйіңдегі алты адамға тоғыз пұт астық төлейсің, — деп ұлық қиғылық салып отырып алыпты.
Жалғыз сиырдың сүтіне қарап отырған жарлы байғұс қалай мақұл дей қойсын, қатты сасыпты. Ауыл - аймаққа шешендігімен аты шыққан қаршадай ған кедейдің бір баласы бар екен.
Ұлық сол баланы шақырып алыпты да:
— Бала, сені жұрт шешен деседі. Мына әкеңді биылғы алым - салымнан босатайын, сол өнеріңді көрсетші! Мәселен, адамға мына көз, мұрын, қол мен ауыздың қаншалықты керегі бар? Осыған ойланып жатпастан, табан астынан жауап тауып айта қойшы, қане! — депті.
Сонда бала тұрып:
— Тақсыр, қапылыста шыққан сөз қанжардан өткір келуші еді. Жазатайым қытығыңызға тиіп кеткендей болсам, біздей пендеңізге әңгіртаяқ ойнатып жүрмес пе екенсіз? — депті.
— О, ол не дегеніңіз?! Сөз тапқанға қолқа бар ма? Жауабың нанымды болса, жазғырар жайым жоқ. Сөйле, қорғанба! — депті ұлық.
— Е, ұлық басымен уәде беріп, қаршадай бала сенің сөзіңе өкпелеп не көрініпті? Бәріміз де куәміз? — десіп, ұлықтың қасындағы нөкерлері де қаумалап әкеткен соң, бала:
— Олай болса тақсырым, Сөйлейін сөздің тап шынын:
Көз деген көпті үйіруге керек,
Қол — жарлының малын жылатып алуға керек,
Ауыз — алғаныңды көмейге салуға керек, — деген екен.
Ұялғанынан құлағына дейін қызарып, қасындағылардың бетіне қарай алмаған ұлық:
— Қап! Мына жүгірмекке тіпті дауа жоқ екен! — деп, атына мініп, жөніне жүре беріпті.
Салықтан құтқарған сөз
- ramuk_b
- 3 қараша 2019
- 1504
- 0
- 0
Ілмек сөздер: Салықтан құтқарған сөз, салық, ертегі, әңгіме
Ұқсас жаңалықтар:
![Лайықты сабақ](/uploads/posts/2019-10/1571592465_monah.jpg)
Лайықты сабақ
Бір күні жігіт түс көреді. Түсінде киелі жерлерге зиярат етіп жүр екен. Әулие - әнбиелер мен абыздардың жиынына әкесіне ілесе барғанын көреді....![Түлкі мен ешкі ертегісі](/templates/bilims/dleimages/no_image.jpg)
Түлкі мен ешкі ертегісі
Бір түлкі жүгіріп келе жатып, абайсызда бір терең апанға түсіп кетіпті....![Ажал туралы мақал-мәтелдер](/templates/bilims/dleimages/no_image.jpg)
Ажал туралы мақал-мәтелдер
Ажал ажарға қарамайды. Ажал келмей жан шықпас, Қысыр сөзден мән шықпас....![Қарлығаш](/templates/bilims/dleimages/no_image.jpg)
Қарлығаш
Ертеде бір бес ағайынды жігіт бар екен. Бесеуі бір байтеректің қасына жарты жер салған екен. Егіні піскен соң, түнде келіп біреу жеп кетеді екен....![Азған елдің хандары](/templates/bilims/dleimages/no_image.jpg)
Азған елдің хандары
Азған елдің хандары, Тақ үстінде отырғандары. Жарлыдан алып байларға, Сыйлар берсе керек - ті....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.