4 - ке бөлу және көбейтуді пысықтау

Қостанай облысы, Меңдіқара ауданы
Төлеңгіт негізгі мектебінің бастауыш сынып мұғалімі
Каликина Үміт Қадірқызы

Математика.
Сабақтың тақырыбы: 4 - ке бөлу және көбейтуді пысықтау.
Мақсаты:
Білімділігі: оқушылардың 4 - ке бөлу және көбейту кестесінен алған білімдерін бір жүйеге келтіріп тиянақтау;
Дамытушылығы: оқушылардың ойлау, есте сақтау қабілеттерін дамыту, белсенділігін арттырып, қызығушылығын ояту;
Тәрбиелігі: оқушыларды шапшаңдылыққа, зейінділікке, ұқыптылыққа тәрбиелеу;
Сабақтың типі: білімді тиянақтау.
Сабақтың түрі: қайталау ойын сабақ.
Әдіс - тәсілдері: сұрақ - жауап
Сабақтың көрнекілігі: «Шалқан» ертегісі, тірек сызба, фигуралар, карточкалар. киіз үй.

Сабақ барысы:
1. Психологиялық дайындық:
Күн жарығын алақанға саламын,
Жүрегіме басып ұстай қаламын
Ізгі әрі нәзік, жарық, мейірімді,
Болып кетер сонда жан - жағым.
- Міне жүрегіміздегі осындай жылумен сабағымызды бастаймыз.

2. Үй тапсырмасын тексеру. 4 - тің кестесін жатқа айту

3. Жаңа сабақ.

4. Кіріспе бөлім:
- Балар, бүгінгі сабағымыз ерекше болмақ, себебі «Шалқан» ертегісіне саяхатқа шығамыз.
- Кім осы ертегіні біледі?
Ертегіде қандай кейіпкерлер бар? Атаңдаршы?
- Өте жақсы айттыңдар, енді тапсырмаларды орындайық, сөйтіп ертегіні еске түсірейік.

№1 Атаның тапсырмасы: Киіз үй құрастыру арқылы өрнекті салыстыру
6 х 4 * 7 х 4
4х9 * 9х4
12: 4 * 12: 3
32: 4 * 32+4
16: 4 * 16: 2
24: 4 * 24 - 4

№2 Әжейдің тапсырмасы: Гүл құрастыру ойыны
40 - қа дейінгі4 - ке бөлінетін барлық сандарды жазып шық
4, 8, 12, 16, 20, 24, 28, 32, 36, 40.

№3 Қыздың тапсырмасы: Хат ойыны арқылы сөз есеп шығару
а) Асқардың 36 теңге ақшасы бар. Ол 9 теңгелік қарындаштың нешеуін сатып ала алады?
б ) 4 бөлмеде 24 шам жанып тұр. Әр бөлмеде неше шамнан бар?

Сергіту сәті:
Сылдыр, сылдыр, сырғалар,
Құлағымда ырғалар.
Оң қолымда 5 саусақ,
Сол қолымда 5 саусақ,
Саусақтарда сақина,
Бір, екі, үш, төрт, бес, алты,
Жеті, сегіз, тоғыз, он,
Орныңа тез қон.

№4 Күшіктің тапсырмасы: Дәптермен жұмыс.
Қабырғалары 4 см шаршы сыз, оның периметрін тап.

№5 Мысықтың тапсырмасы: Саңырауқұлақтарды жинап, себетке салу арқылы өрнектің мәндерін ауызша есептеу.
2х4
12: 4
5х4
8х4
36: 4
16: 4
24: 4
7х4
28: 4
4х10

№6 Тышқанның тапсырмасы: Кім жүйрік?
12х2+36 - 18 - 2: 4
24: 4+32 - 12 - 6: 4

Сабақты қорыту.
Біз не үйрендік? Тірек сызба арқылы 4 санына байланысты сөздер жаз.