« Аяулы - анашым»

«Мемлекеттік тілде оқытатын Заречный орта мектебі»КММ
Мектепалды даярлық тобы
Тәрбиеші: Естекова Ж.С.

Тақырыбы: Аяулы – анашым.
Мақсаты: Жанұядағы ана мен бала арасындағы қатынасты нығайту. Анаға деген махаббатын ояту. Баланы бойындағы өнері мен дарындылығын дамыту. Адамгершілікке тәрбиелеу.

Көрнекі - құралдар: «Көктем – ана, қыздар – гүл», «Менің анам» нақыл сөздер. Қабырға газеті. Әсем безендірген зал. Көңілді музыкамен балалар кіреді.
Тәрбиеші: Аналар көктемгі күндей жарқырап, гүлдей құлпырып, бүгінгі мерекелеріңіз құтты болсын!
Оқушы: Әлпештеген аялаған,
Ақ сүт берген апатайым.
Сәлем жазып бүгін саған,
Мейрамымен құттықтаймыз.

Оқушы: Менің әжем, гүл әжем.
Алтын әжем, күн әжем.
Ана үшін, мен үшін,
Нағыз ана тілі - әжем.

Оқушы: Ем жатқанда жатпаған,
Мен деп тыным таппаған
Бақыты үшін баланың
Аман – сау бол, ақ мамам.

Оқушы: Аналар мерекесі – құтты болсын.

Оқушы: Менің әжем, жыр әжем.
Шуағы мол, нұр әжем.
Ақ таяққа сүйеніп,
Аман – есен жүр әжем.

Сюрприздік сәт: Көңілді музыкамен «көктем» кіреді.
Көктем: Сәлеметсіздер ме балалар! Мен кіммін? Сендер мені таныдыңдар ма?
Балалар: Иә, көктем.
Көктем: Көктем ерекшеліктері қандай? Кім айтады?
Балалар: Қар ери бастайды, құстар жылы жақтан ұшып келеді, бәйшешек шығады.
Көктем: Ал ойынды жақсы көреміз бе?Ендеше балалар кел жақындап ойын ойнайық.
Ойын: «Гүлдерді жинау».
Тәрбиеші: Құрметті көктем біздің балалар өте өнерлі сендерге арнап тақпақтар мен өлеңдерді айтып береді.

Өлең: «Айналайын мама».

Оқушы: Достықты біз ойлаймыз
Бірге күліп ойнаймыз
Қыздарда да құттықтап
Мерекесін тойлаймыз.

Оқушы: Көрсетемін күллі елді
Жарық етем түндерді
Өсіріп мен сыйлаймын
Жұрт көрмеген гүлдерді.

Оқушы: Көктем де көңілді
Құстар кеп жатқанда
Құлпырып өңірді
Гүл ектік бақтарға.

Оқушы: Ананың біз гүліміз
Ана біздің күніміз
Ұландарды қуантып
Ұзақ өмір сүріңіз.

Оқушы: Мен деп кірпік қақпаған
Менсіз тамақ татпаған
Бақытты үшін баланың
Аман – сау жүр ақ мамам!
Сюрприздік сәт: Қуыршақ келеді.
Қуыршақ: Сәлеметсіздер ме балалар! Сендер мені таныдыңыздар ма?
Балалар: Қуыршақсың,біз ойнайтын..
Қуыршақ Дұрыс айтасыңдар. Мен қайда келдім, сендерде қандай мереке болып жатыр? Бәрін әдемі киінгенсіңдер.
Балалар: Бізде аналар мерекесі.
Қуыршақ: «Аналар мерекесін» мен білмеймін. «Аналар мерекесі» ол не? Оны немен жиді? Ол тәтті ме?
Балалар: Ол тәтті, бірақ оны жеуге болмайды.
Қуыршақ: Балалар мен тек қана тәтіні жақсы көремін, ойынды жақсы көремін.
Тәрбиеші: Қуыршақ сен бізбен бірге біздің мерекеде қал. Біздің балалар саған «ана» сөзінің мағынасын түсіндіреді.
Мақал мәтелдер: «Ана сүті бал, баланың тілі бал», «Әкеден – ақыл, анадан – мейір», «Ана алдында – құрмет, ата алдында – қызмет», «Ана алақанның аясы, ақ шынардың саясы».
Ойын: «Өз балаңды тап».

Оқушы: Ойнаймыз күлеміз
Жарқылдап жүреміз.
Ананы сыйлаймыз
Айтқанын тыңдаймыз.

Оқушы: Бойға қуат бересің
Әй жарайсың деген
Мен анамның әр кезде
Соны естігім келеді.

Оқушы: Біз доспыз гүлдермен
Текке оны жұлмаймыз
Той күні бір – бірден
Анаға сыйлаймыз.

Қуыршақ: Түсіндім, түсіндім «ана» деген кім екенін. Рахмет сендерге балалар. Ал енді ойынды бастайық. Ойнауды жақсы көресіңдер ме?
Балалар: Ойнауды жақсы көреміз. Ойнаймыз.
Ойын: «Кім тез».
Би: Қуыршақ, Көктем, балалар көңілді би билейді.
Тәрбиеші: Балалар өз аналарыңа, өз қолдарынан жасаған сыйлығын береді. Мереке күнімен құттықтаймыз.Сау болыңыздар!