Сайтқа кіру Тіркелу

3 саны және цифры. Үшбұрыш

Атырау қаласы,
№11 Ы Алтынсарин атындағы орта мектеп
Бастауыш сынып мұғалімі: Күлән Ғабдыжанқызы

Сабақтың тақырыбы: 3 саны және цифры. Үшбұрыш.
Сабақтың мақсаты: Білімділігі: 3 саны және цифрымен таныстыру; сан сәулесі туралы түсініктерін қорытындылау; үшбұрыш, оның белгілері туралы түсініктерін қалыптастыру.
Сабақтың дамытушылығы: Оқушылардың ойлау, есте сақтау қабілеттерін, шығармашылық белсенділіктерін арттыру.
Сабақтың тәрбиелігі: Адамгершілікке, ұқыптылыққа, тапқырлыққа тәрбиелеу.
Сабақтың әдісі: жаңа тақырыпты түсіндіру
Сабақтың көрнекіліктері: сандар, гүлдер

Сабақтың барысы: І. Ұйымдастыру кезеңі
ІІ. Психологиялық дайындық
Күй тартамыз күмбірлі,
Ән айтамыз көңілді.
Би билейміз ырғақты,
Біз бастаймыз сабақты.

ІІІ. Өткен сабақтан алған білімін тексеру. - 0 санының сандар қатарындағы орнын айт.
1) 2>1; 1>0; 2>0 өрнектерін оқы не деп аталады? 2=2; 1=1; 0=0 не деп оқылады.

ІҮ. Жаңа сабақ: а). Түсіндіру: 3 санының пайда болуымен таныстыру. 2+1
Демек, 2 санына 1 санын қоссақ, 3 саны шығады. 3 дегеніміз 2 мен 1 - дің қосындысы.
3 санының алдындағы санның қанша екенін табу әдісін үйрету.
3 - 1 =2
2 - 1=1
1 - 1=0
0 1 2 3
Ү. Жаңа білімді тексеру. - 2 санын, 3санын қалай шығарып аламыз?
- 3, 2, 1 санының алдындағы қандай сан?
- Оны қалай білдіңдер?
1 - сурет. 2қ+1қ=3 қ
2 - сурет. 3тікұ - 1 тікұ=2 тікұ.
3 - сурет. Үшбұрыштың қабырғалары кесінділер. Үшбұрыштың қабырғалары сәулелер.

VІ. Оқулықпен жұмыс. №1, №2, №3 тапсырмалар. Суреттің мазмұны бойынша балалар 2 + 1 = 3; 3 – 1 = 2 теңдіктерінің қалай құрылғанын түсіндіреді және оларды оқиды. 3 санын үш әдіспен шығарып алады. Заттарды санау арқылы, қосу амалының көмегімен, кесіндінің ұзындығын өлшеуді орындағанда.
3 санына дейін толықтыру жұмысын орындайды. Қосу мен азайтудың өзара байланысын көрсетеді. Жұмыстың келесі кезеңі 3 санының құрамымен таныстыру болып табылады.
Ол үшін мұғалім жинақ полотносына 3 үшбұрышты (2 көк, 1 қызыл ) қояды:
- Барлығы неше үшбұрыш?
- Көк үшбұрыш нешеу?
- Қызыл үшбұрыш ше?
Тапсырманы орындау барысында оқушылардың «3 - бұл 2 мен 1» деген қорытынды жасауы маңызды.
Алғашқы бекіту жұмысы үшін №2 тапсырма ұсынылады. Оқушылардан тура және кері санауды сұрайды. Мынадай сұрақтар қоюға болады: «Оң жақтағы әр бағанда неше текше артық немесе кем? Біреуі артық - бұл келесі сан. Біреуі кем - бұл алдыңғы сан»
2 мен 3 сандарының құрамын бекіту үшін «Өнімді жина», «Арифметикалық лото» ойындарын ұйымдастыруға болады (ойындарға берілген нұсқауға қара).
Геометриялық материалды түсіндіру.
№3 тапсырманы орындау кезінде мұғалім белгілеріне қарай үшбұрышты табуды ұсынады. «Үшбұрыштың неше қабырғасы бар? Тағы қандай фигураларды атай аласың?»
Геометриялық фигуралардың элементтерін дұрыс атап, оларды сызбадан көрсете білуді үйрету қажет. № 4 тапсырма логикалық ойлауларын дамытуға бағытталған.
Сергіту сәті.

VІ. Дәптермен жұмыс. 3 цифрын жазып үйрену. 0, 1, 2, 3 қатарын жазу.
Сандар қатарында 3 нешінші орында тұрады.?
№1 тапсырма ойыншықтардың санына сәйкес цифрларды оқушылар табады және сызықтармен оларды қосады.
№2 тапсырма. 3 цифрын жазу жұмысы жүргізіледі және 0, 1, 2 цифрлары мен амалдардың таңбаларын жазу қайталанады.
Фигураларды көшіріп салуды сұрап, тапсырманы ары қарай күрделендіруге болады. Балалардың назарын фигура дәл болып шығу үшін нүктелердің арасындағы торкөздерді санау керек екеніне аударады.
№3 тапсырма сызықтарды бір – бірінен алыстатуға арналған.

VIІ. Сабақты қорытындылау.
VIІІ. Жақсы жұмыс істеген оқушыларды мадақтау.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×