Қулық

Сабақтың тақырыбы: Нұрғали Ораз «Қулық»
Сабақтың мақсаты: мәтін мазмұнын тарау тақырыбымен байланыстыра отырып түсіну.
Сабақтың міндеті: кейіпкер басынан өткен оқиғаны өмірмен байланыстыруға мүмкіндік жасап, мәтін идеясын ашу.
Дамытушылығы: шығармашылық жұмыстар арқылы «екілік» табиғатын зерттеу, іздену, салыстыру.
Тәрбиелік: еңбектенуге, адалдыққа, шыншылдыққа, қиындықты жеңе білуге баулу.
Көрнекілігі: плакат, маркерлер, кесте, жұмыс дәптері, т. т.
Әдісі: Биопоэма, топтастыру, сәйкестендіру, дәптермен жұмыс, сұрақ - жауап.
І. Ұйымдастыру.
Психологиялық дайындық.
Күн жарығын алақанға саламын,
Жүрегіме басып ұстай аламын.
Ізгі әрі нәзік, жарық, мейірімді,
Болып кетер сонда дереу жан - жағым.
- Міне, балалар, жүрегіміздегі осындай жылумен бүгінгі сабағымызды бастаймыз.
ІІ. Үй тапсырмасын тексеру.
«Өнердің құны» ертегісін оқып, мазмұнын әңгімелеу.
ІІІ. Үй тапсырмасын бекіту.
- Қойшының қозы неліктен өнерді сонша бағалады?
- Өмірде патшаның да қателесетінін қалай байқадың?
- Өзің өнердің қай түрін меңгергің келеді?

ІҮ. Жаңа сабақ.
1. «Биопоэма» әдісі: «екілік» табиғатын анықтау.
Оқушылар, сендер айтасыңдар, мен тақтаға ілінген плакатқа маркермен жазып тұрамын.
Аты - «Екілік».
Сипаты - нашар, ұят.
Қорқатыны – «бестік», «төрттік».
Болашақтан күтетіні, аңдитыны – нашар оқушы, жалқау бала.
Мекен жайы - күнделік, дәптерлер, сынып журналы, табель парақшасы.
Тегі - ұйқы мен жалқаулықтан пайда болған.
- Бұл сіздерге ұнай ма?
- Ендеше, бүгінгі сабағымыз не туралы екен, мәтінімізді оқып көрейік.
Тақырыппен, автормен таныстырып, дәптерге жазылады.
2. Мәтінмен жұмыс.
Мәтінді бөліктерге бөліп оқу.
1. Мәтінді « Бүгін Ерлан бақылау жұмысынан...» деген жерге дейін оқу, талдау жасау.
- Ерлан неліктен есеп шығара алмайды? Өз жағдайыңда осындай мәселе бола ма?
- Ал ағасы не айтады? Оның сөзінен не байқадың?
- Мәтіннің осы бөліміне қандай ат қоямыз?
1. Еңбексіз шыққан есеп.
2. Мәтінді «Сөйтіп...» деген жерге дейін оқу.
- Ерлан қандай қулық ойлады?
- Олар қандай ойын ойнады?
- Бұл бөлімге қандай ат қоямыз?
2. Есептен де қиын қулық.
3. Мәтінді соңына дейін оқып, «Өкініш» деп ат қоямыз.
3. Мақалдарды оқып, сәйкестендіру:
Мақалдар Бөлімнің аты
Сасқан үйрек артымен жүзер.
Еңбексіз шыққан есеп.
Өтіріктің құйрығы бір - ақ тұтам.
Есептен де қиын қулық.
Өтіріктің өрге баспайды.
Ащы да болса, шындық жақсы.
Өкініш.
3. Дәптермен жұмыс:
Сөздік жұмыс:
Есепке шорқақ - есеп шығаруға қиналады.
Із кесуші – бір нәрсені іздеп табушы.
4. Ойтолғау.
- Неліктен нашар баға аласың?(оқушылар өз ойларын дәптерге жазады).
Ү. Сабақты қорытындылау.
Биопоэмаға оралу: мәтінді толық түсіндік. «Екілік» сипатына тағы не қосуға болады?
(қорқынышты, сүйкімсіз)
- Қай бала қу: а) Нұрлан – қу бала.
ә) Қу бала – Ерлан.
- Мәтінде біреудің еңбегін пайдаланушы кім?
- Екілікті тығып қою арқылы мәселені шешуге бола ма?
Сабақты бекіту мақсатында 4 жол өлеңді аяқтау.
Сабақтан мен --------------------.
Жаман бала ------------------.
Жақсылармен ------------------.
Айтқан серттен ----------------.
ҮІ. Үйге тапсырма беру. Мәтінді оқып келу.
ҮІІ. Бағалау.