"Ү" дыбысы мен әрпі

Сабақтың тақырыбы: Ү дыбысы мен әрпі.
Білімділік:Ү дыбысы мен әрпін таныту. Ол арқылы берілген сөздерді оқуға үйрету және оның жіңішке дауысты дыбыс екенін айту. Ү әрпінің баспа және жазба түрімен таныстыру.
Дамытушылық: Ү дыбысына байланысты жаңа сөздермен таныстыру арқылы оқушылардың ой - өрісін, тілін, сөздік қорларын дамытып, дүниетанымын кеңейту.
Тәрбиелік: Адамгершілікке, еңбексүйгіштікке және табиғатқа деген сүйіспеншілігін арттырып, құстарды қорғауға тәрбиелеу.
Сабақтың көрнекілігі: әріптер, оқулық, суреттер, интерактивті тақта.
Сабақтың әдісі: Ой қозғау, топтастыру, тізбектей оқу, ойын, сұрақ - жауап, түсндіру.
Сабақтың түрі: ертегі сабақ.
Пәнаралық байланыс: дүниетану, тіл дамыту
Сабақтың барысы:
І. Ұйымдастыру кезеңі.
- Ендеше, бүгінгі қонақтарға, өз білімімізді көрсетейік.
ІІ. Психологиялық дайындық.

Үлкенге де сіз,
Кішіге де сіз,
Сәлем бердік сіздерге
Құрметпенен біз.

1 - слайд.
а) Сұрақ - жауап: - Қазақ тілінде қанша әріп бар?
- Дыбыс деген не?
- Әріп деп нені айтамыз?
- Дыбыстар нешеге бөлінеді?
- Дауысты және дауыссыз дыбыстар нешеге бөлінеді?
2 - слайд.
ІІІ. Дауысты және дауыссыз дыбыстарға ажырату. (ұяшыққа салу)
3 - слайд.
ІV. Өткенді пысықтау. Ө дыбысын қайталау.

V. Жаңа сабақ. 4 - слайд.
а) Тақтаға «Бауырсақ» ертегісінің суреті көрсетіледі. Кейіпкерлерін атайды.
Бауырсақты түлкіге жегізбеу үшін жабайы аңдардың тапсырмасын орындайық. Сол арқылы ү дыбысымен танысатын боламыз. Сабаққа жақсы қатысып отырған оқушыға ата мен апаның сіздерге арнаған сыйы бар екен оны сабақтың соңында не екенін білеміз. (гүлдер тарату )

1. Қоянның тапсырмасы.
« Сөзжұмбақ» шешу.
1. Кезікті бір жануар, үстінде екі тауы бар.
2. Көру мүшесі не?
3. Не білім бұлағы?
- Қандай сөз шықты. Үкі қандай дыбыстан басталып тұр?
- Ү - ү - ү (хормен айту)
- Ү - қандай дыбыс деп ойлайсыңдар?
- Ү - жіңішке дауысты дыбыс, созылып айтылады.
- Қандай түспен белгілейміз? Неге?
- Ү - дыбысын айтқан кезде ерін сүйірленіп, алға жылжиды, тіл артқа жылжиды, иек көтеріледі.
- Ү дыбысына ұқсас дыбыс бар ма?
- Үү – Ұұ дыбыстарын салыстыру. ( кеспе әріптер)
- Ү - жіңішке дауысты дыбыс, ұ - жуан дауысты дыбыс және белінен сызылған.
5 - слайд.
Суретпен жұмыс. (буынға бөлу, сөйлем құрау)
Қосымша материалмен жұмыс.
«Г»- ден баста мен кілең
Ажарымын өңірдің
«К»- ден баста мен кілең
Қалдығымын көмірдің
«Т»- дан бастап оқысаң
Аты аңыз қу аңмын.
«К» болса басқы әрпім
Езу тартып қуандым. (Гүл - күл, түлкі - күлкі)

Сергіту сәті:
6 - слайд.
2. Қасқырдың тапсырмасы.
VІ. Оқулықпен жұмыс. а) Тізбектеп, қатар бойынша оқыту.
б) «Білеміз бе» ойыны
д) Сөздік қоржын (жаңа сөз)

7 - слайд.
3. Аюдың тапсырмасы.
VІІ. Дәптермен жұмыс: ү әрпін жазу.
а) ауада жазып қол жаттықтыру;
ә) Ү дыбысының үлкен және кіші әріптерін жазу.
8 - слайд.
4. Түлкінің тапсырмасы.
Ой тастау. (жұмбақ шешу)
9 - слайд.
Бауырсақ атасы мен әжесіне қайтып келіп, олар өте қатты қуанып жатыр. Сендерге риза болып алғыстарын білдіруде.
10 - слайд
VІІІ. Қорытынды. Сұрақ - жауап:
- Бүгін біз қандай дыбыспен таныстық?
- Ү дыбысы қандай дыбыс екен?
- Ү дыбысына байланысты сөздер айту.

11 - слайд
ІХ. Үйге тапсырма беру. Мадақтау.
Сабақ аяқталды. Сау болыңыздар!