С. Сейфуллин «Дала» өлеңі

Сабақтың тақырыбы: С. Сейфуллин « Дала» өлеңі
Мақсаты:
Білімділік: Ақынның өмірі, шығармашылығынан жалпы мәлімет бере отырып, өлеңнің тақырыбын, идеясын ашуға жағдай жасау.
Дамытушылық: Оқушының іздемпаздық қасиеттерін дамытып, қалыптастыра отырып, ойлау, сөйлеу, есте сақтау қабілеттерін дамыту. Білім, білік дағдыларын арттыру.
Тәрбиелік: Отансүйгіштікке, сыйластыққа ең бастысы адамгершілікке баулу.
Түрі: Жаңа сабақты игеру.
Әдіс - тәсілдері: сұрақ - жауап, баяндау, суреттеу, пікір айту, жеке, жұппен, топпен жұмыс.
Көрнекіліктер: интерактивті тақта, маркер, плакат, портрет, қосымша материалдар.
Сабақтың барысы
Шаттық шеңбері
Қайырлы таң достым,
Қайырлы күн, болсын!
Бүгінгі күн сәттілікке толсын!
Біздер алар бағамыз,
Кілең бестік болсын!

Психологиялық дайындық
- Екі көзің не үшін керек?
- Жақсыларды көру үшін.
- Құлақ деген не үшін керек?
- Ақыл - кеңес тыңдау үшін.
- Екі қолың не үшін керек?
- Елге көмек беру үшін.
Топқа бөлу
1 - топ: Раушан
2 - топ: Түймедағы
3 - топ: Қызғалдақ
Топпен таныстыру
Топтың ережесімен таныстыру
Топ басшыларын сайлау
Бағалау түрі
Оқыту үшін бағалау және оқуды бағалау

Үй тапсырмасын сұрау
Мұқан Иманжановтың «Таңның атуы»әңгімесін сұрау
Үй тапсырмасын бекіту
1. Бала таңға жақын неге далаға шықты?
2. Бала шолпан жұлдызын қалай таныды?
3. Баланың көңілінде қорқыныш үрей неліктен болды?
4. Таңның атуын көргендерің бар ма?
Өткенді пысықтау
Ойын: «Жұлдыздар жұмбағы»
Шарты: Жұлдыздардың жұмбақтарын шешу арқылы артында жасырынған бүгінгі жаңа сабағымыздың аты шығады.

1. Темірқазық жұлдызы. Жетіқарақшының шеткі екі жұлдызы бойынша Темірқазық жұлдызын табуға болады. Түнгі күзеті көп мал шаруашылығымен шұғылданған қазақ халқы түні бойы батпай Темірқазықты айнала қозғалатын Жетіқарақшыны Жер тараптары мен түн мезгілдерін айыруда жиі пайдаланған.

а) Шәкәрім Құдайбердіұлы кім?
2. Жетіқарақшы. Жетіқарақшы — аспанның Солтүстік жарты шарындағы шоқжұлдыз. Жетіқарақшының жарық жеті жұлдызының сыртқы пішіні шөмішке ұқсайды. Жетіқарақшының ең жақсы көрінетін айлары — наурыз, сәуір айлары.
а) “Өзен” өлеңінің авторы кім?
ә) Аясында деген не?

3. Күн. Жерге ең жақын жұлдыз. Оның төңірегінде Жерді қоса есептегенде 9 ірі аспан даналарі айналып жүреді. Басқа жұлдыздар сияқты ол да лаулап жанып тұрған газды шар.
а) Мемлекеттік рәміздерді ата
ә) Киіктің лағы қалай аталады?

4. Шолпан жұлдызы. Шолпан - күн жүйесіндегі екінші ғаламшар және ең ыстығы Шолпанның бетін жерден оптикалық құралмен бақылау өте қиын. Өйткені ол бұлтқа оранған. Шолпанның «таңғы жұлдыз» және «кешкі жұлдыз» деген атаулары да бар. Өйткені олар таң атарда және ымырт түскенде аспанда бірінші болып жарқырап көрінеді.

а) “Шыбынсыз жазды” автор қай жерден кездестірді?
ә) Қазақтың тұңғыш ғарышкері кім?
Жұмбақтың шешуі: дала

Ой толғау
Дала дегенде көз алдарыңа не елестейді?

Жаңа сабақ
Сәкен Сейфуллин «Дала»
Өлеңнің авторымен таныстыру
Сәкен (Сәдуақас) Сейфуллин (1894 - 1938)- Қарағанды облысының Жаңаарқа ауданында туған. Қазақтың белгілі ақыны, жазушысы, драматургі, және көрнекті қоғам қайраткері. Оның “Көкшетау», «Қызыл ат” поэмалары, “Тар жол, тайғақ кешу” атты романы және “Наурыз», «Туған ел” өлеңдері бар.

Дәптермен жұмыс
Сәуірдің он жетісі
Сәкен Сейфуллин
Дала
Оқулықпен жұмыс
Өлеңді мәнерлеп оқу
Іштей оқыту
Топпен талдау
Топтық жұмыс
Ойланайық, талдайық, пікірлесейік
Раушан
1. Өлеңнің бірінші шумағында ақын жазғы даланы
кімдерге теңейді?
2. Ана сен үшін кім?
Түймедағы
1. Жазғы даланы неліктен «кестелі жібек көрпеге» теңеген?
2. Егерде сіз туған жерден жырақта жүрсең, өз
сағынышыңды қалай басар едіңіз?
Қызғалдақ
1. Ақын нені көк ала кілемге теңейді?
2. Өз ауылыңды көгалдандыруға өз үлесіңді
қалай қосар едің?

Сергіту сәті
Шығармашылық жұмыс
Топтық жұмыс
Раушан
Постермен жұмыс. Даланы неге теңейсіңдер?
Түймедағы
Ойшыл балалар. Венн диаграммасы арқылы Табиғат пен ананы салыстыру.
Қызғалдақ
Ақындық өнер. Көктем тақырыбында бір шумақ өлең құрастыру
Сабақты бекіту
Сабақты қорытындылау
Үйге тапсырма: өлеңді жаттау
Кері байланыс
Бағалау