Сайтқа кіру Тіркелу

С дыбысы мен әрпі

Атырау қаласы № 2 орта мектебінің даярлық тобы мұғалімі
Құдайбергеноа Ақырыс Нұрдаулетқызы

Ұлттық ойындар: Сауат ашу сабағында.
Сабақ тақырыбы: С дыбысы мен әрпі.

Сабақтың мақсаты:
1.Өткен дыбысты қайталай отырып, есте сақтау қабілетін арттыру.
2.Жаңа С дыбысымен таныстыру, сөз, сөйлем құруға дағдыландыру.
3. Ауызекі сөйлеу мәдениетін қалыптастыра, баспа әріп жазу жолдарын үйрете отырып, таза, сауатты жазуға тәрбиелеу.
Сабақтың көрнекілігі: Кеспе әріптер, суреттер, жұмбақтар, ұлттық киімдер мен бұйымдар.

Сабақтың барысы:
І. Ұйымдастыру кезеңі. Амандасу рәсімі. «Тілек шеңбері»
Балалар тілек шеңберінде бір-біріне жағымды тілек білдіріп, жарқын көңіл-күй, достық сезімін сыйлайды.

ІІ. Қайталау:
- Дыбыстар нешеге бөлінеді? Қандай?
- Өткен дыбыстарды және Б дыбысын қайталау.
- Буындар: ба, бо, бу, би т.б.
- Сөз: бас, бақ, бал, бар, бай, бор, бер, бет т.б.
- Сөздерді буынға шапалақтау арқылы бөлгізу: бал-ға, ба-ла-пан, ба-нан.

ІІІ. Жаңа сабақ.
- Балалар қазір жылдың қай мезгілі? (Қыс)
- Аптаның қай күні? (Сәрсенбі).
- Сәрсенбінің сәтті күні бүгін біз С дыбысымен танысамыз.
С дыбысының айтылуын, қандай дыбыс екенін түсіндіру.
С дыбысы айтылған кезде тілдің ұшы астыңғы тіске тіреле отырып белгілі кедергі арқылы шуылдап шығады.
С дыбысы дауыссыз, қатаң дыбыс.

Жұмбақ шешу.
Сақинаны, сандықты, Бастап тұрған қай әріп?
Сәукелені, садақты. Сансыз орақ тәрізді. /С/

Кіруге адам батпайды,
Аман-есен сақтайды. /Сандық/

Сандық - сөзін буынға бөлгізу, дыбыстық талдау жасату.
«Ақшамшық» (сақина салу) ойыны: С әрпінен басталатын сөз ойлау.

ІV. Дәптермен жұмыс:
- Ауада жазу.
Дәптерге таза, сауатты жазуын қадағалау.
«Шай ішу» ойыны: ою-өрнекпен өрнектелген кеселердің сыртына жазылған сөздерді оқыту, дыбыстық талдау жасату. Сырмақ, сақа, сыр, сиыр, сүзбе, асық, сүт. Дыбыстық талдау: с- дауыссыз, ү-дауысты, т-дауыссыз
Сергіту сәті:
«Ұшты-ұшты» ойыны.
Ұшты, ұшты – торғай ұшты! (ұшады)
Ұшты, ұшты – тырна ұшты! (ұшады).
Ұшты, ұшты – қарға ұшты! (ұшады).
Ұшты, ұшты – балық ұшты! (ұшпайды).

VІ. Ойын «Екінші буыным қайда» суретті көрсетіп екінші буынын айтқызу. Тас-бақа, Жан-гүл......

VІІ. Қорытындылау.“Ақсүйек” ойыны:
С әрпінен басталатын суретті атау, жазу, дыбыстық талдау жасау.

Сабақты бекіту. Сұрақ-жауап арқылы.
Қыздар құлағына тағады- Сырға.
Қыздар басына киеді- Сәукеле.
Қыздар қолына тағады- Сақина.
Уақытты көрсетеді- Сағат.
Ақ, дәрумені көп, пайдалы сусын- Сүт.
Сызуға арналған құрал- Сызғыш.
Мектепте не оқимыз- Сабақ.
Кітаптарды қайда саламыз- Сөмкеге.

Балаларды мадақтау, бағалау.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×