№11 «»Балапан балабақшасының тәрбиешісі Кемалова Маржан
Сабақ тақырыптары:
1. Қыс кереметі
2. Бәйтерек
3. Саңырауқұлақтар әлемі
Ашық ұйымдастырылған оқу іс - әрекеті
Білім беру саласы: Қатынас. Таным. Шығармашылық
Білім беру бөлімі: Тіл дамыту. Қ. М. Ұ. Қ. Сурет
Тақырыбы: Қыс кереметі
Мақсаты:
1. Балалардың қыс мезгілі және оның ерекшеліктері туралы білімдерін бекіту.
2. Логикалық ойлау қабілеттерін, тілін дамыту
3. Эстетикалық тәрбие беру. Шығармашылыққа баулу.
Түрі: Аралас
Әдісі: Түсіндіру. Серуен. Раунд - Робин.
Көрнекіліктер: Тақырыптық суреттер (электронды), қысқы орман
көрінісі, сурет салуға қажетті құрал - жабдықтар.
Мотивациялық қозғаушы
Тәрбиешінің іс - әрекеті
Тәрбиеші балалардың назарын өзіне аударып, оларды шаттық шеңберіне шақырады.
Арайланып таң атты,
Алтын шапақ таратты.
Қайырлы таң апайлар!
Қайырлы таң балалар!
Сіздерді көргеніме қуаныштымын.
- Балалар, қазір жылдың қай мезгілі?
- Қыс мезгілінде неше ай бар?
- Қане санай отырып, рет - ретімен атайықшы
- Қыс мезгілінде ауа - райы қандай болады екен?
- Тағы қандай өзгерістер болады?
- Көктем мезгілінде немесе жаз мезгілінде қар жауады ма?
- Қай кезде ғана жауады?
- Жарайсыңдар. Міне көрдіңдер ме, балалар, бұл да қыстың бір кереметі.
Яғни біздің бүгінгі ұйымдастырылған оқу іс - әрекетіміздің тақырыбы: Қыс кереметі деп аталады.
Іздену, ұйымдастыру
(Осы кезде есік қағылып, қолында сиқырлы таяғы бар Қыс ханшайымы келеді)
Ханшайым: Сәлеметсіздер ме, балалар, қонақтар! Сіздердің мен туралы айтқандарыңды естіп едім, қыс мезгілі туралы жақсы біледі екенсіңдер. Ал қыс туралы қандай болжамдар біледі екенсіңдер?
- Қыс аязды болса жаз ыстық болады
- Қыс қарлы болса жаз жаңбырлы болады
Ханшайым: Жарайсыңдар балалар, ал мына жұмбақты шеше аласыңдар ма?
- Қолы жоқ сурет салады
Тісі жоқ тістеп алады.
Ол не?
Тәрбиеші: Қыс ханшайымы біз орманға барып қыс кереметін тамашалағымыз келеді. Солай ма, балалар?
Ханшайым: Жарайды. Онда бәріміз орманға барайық. Мен сендерге сиқырлы таяғыммен қанат бітірейін.
(Барлығы ұшып орманға келеді)
Табиғатты тамашалайды
Бұтақта отырған тиінді көреді.
Тәрбиеші: - Ой, балалар, мынау қандай аң?
- Тиін туралы кім тақпақ біледі екен?
- Мен тиінмін, тиінмін
Қысқа жылы киіндім.
Қоймам толы жаңғаққа
Іші жылы үйімнің.
(Келе жатып жолдан түлкіні кездестіреді)
- Балалар, мынау түлкі я?
Түлкі туралы де тақпақ жаттаған едік қой.
- Түлкі атаулы қу ғой
Жүрген жері ду ғой.
Жатып алып жағада
Көздегені су ғой.
(Бір кезде келе жатып, бұтаның түбінде жылап отырған қоянды көреді)
- Балалар, мынау қоян ғой. Қоян, сен неге жылап отырсың?
Қоян: - Менің үйімді біреулер таптап, бұзып кетіпті. Енді тоңып отырмын
- Балалар қоянға көмектесеміз бе?
- Ендеше, қоянға үй салып берейікші.
Үйді бірінші неден бастап салатын едік?
- Одан кейін не істейміз?
- Оның пішіні қандай?
- Енді не қалды?
- Шатыры қандай пішінде болады?
(Қоян қуанып қалады)
- Жарайсыңдар, балалар. Енді бәріміз қоян туралы көңілді тақпақ айтайықшы.
Өтірік өлең
- Салпаң құлақ қоян,
Тартып отыр баян.
«Браво» десті мәз болып,
Құрбақа мен шаян.
- Балалар, жоғары қараңдаршы, күн бұлттанып тұр.
- Бірдеме жауғысы келіп тұрған сияқты.
(Осы кезде қар жауады)
- Балалар, қардың түсі қандай?
- Пішіндері қандай?
- Олай болса, осы қарды қағаз бетіне бейнелеп көрейікші
Тәрбиеші қардың салу үлгісін көрсетеді
Рефлексиялық
- Ой, жарайсыңдар, балалар!
Балалардың салған суреттерін көрмеге ілу
Ханшайым: Сендер тамаша, білімді балалар екенсіңдер. Рахмет сендерге. Сау болыңдар!
Қуанышты хаьарлама тарату. (Қар бейнесі)
Назар аударыңыз! Жасырын мәтінді көру үшін сізге сайтқа тіркелу қажет.
