Жетінші сәуір - дүниежүзілік денсаулық күні

Жетінші сәуір - дүниежүзілік денсаулық күні

Тақырыбы: Дені саудың - жаны сау.
Мақсаты: Балаларға салауатты өмір салты туралы түсінік беруде, қарапайым ережелерін қалыптастыру, адам денсаулығының қымбаттығын, өмір сұру үшін қажеттілігін, бағалы байлық екенін түсіндіру. Сауықтыру - шынықтыру шаралар арқылы балалардың денсаулығын жақсарту, дене сымбатын жетілдіру, қимыл - қозғалыс дағдыларын дамыту. Балалардың көңіл - күйін көтеру, мәдени - гигиеналық талаптарды орындау, тазалыққа, ұқыптылыққа тәрбиелеу.
Методикалық әдіс - тәсілдер:
Түсіндіру, көрсету, көркем сөз, жеке жұмыс, сұрақ - жауап.
Көрнекі - құралдар: гимнастикалық тақтайша, кедергі тақтайша, кілемшелер әр балаға, су, мочалка немесе массаж қолғап.
Жұмыс барысы:
1 Жәй әуенмен балалар біртіндеп ұйқыдан оянып, көздерін ашады.
Төсекте жатып керілу - созылу жаттығулар орындайды ( аяқ, қолын сөзу, жазу, сипалау).
2 Нүктелі массаж: маңдай, бет, көз, мұрын, ауыз қуыс,, қол - саусақтарға.
3 Тыныс алу жаттығулар ( дем алу, дем шығару)
4 Төсектен тұрып кілемшелер( жайма) үстіне гимнастикалық жаттығулар.
1 Оң қолымды жаныма,
Сол қолымды жаныма,
Оң аяқты алдыма,
Сол аяқты артыма,
Қос қанатты жаямыз, Ұшақ болып ұшамыз.
«Қоңыздар» кілемшеге жатып қоңыздар қимылын жасау.
Оңға – солға домалау.
Екі аяқпен секіру.
5 Кедір – бұдыр жолмен жүру. Кілемше үстімен жүру, жүгіру.
6 Сулы, тұзды мата үстімен жүру.
7 Мәдени - гигиеналық талаптарды орындау. Сумен жуыну, қолғаппен
массаж, сүртіну.
8 Көркем әдебиет «Тазалықтың достары».
Сылдырлайды мөлдір су,
Мөлдір суға қолыңды жу.
Жуынсаң сен әрдайым,
Аппақ бетің, маңдайың.
Тазалықтың досы - су дегеніміз осы.
Сабындаған кезінде
Ашытады көзіңді
Бола білсең, төзімді,
Тап - таза етер өзіңді
Тазалықтың досы -
Сабын деген осы.

Ақ мақтадай түгі бар,
Қызыл - жасыл гүлі бар,
Жұмсақтығы мамықтай,
Сүртінесің жалықпай,
Тазалықтың досы -
Сүлгі деген осы.
9. Фито терапия: фитошай, итмұрын шырынын ішу.
10. Киіну (жеңіл киімдер).