Сайтқа кіру Тіркелу

Қыс

Тақырыбы: Қыс
Мақсаты: Балаларды ормандағы қыс мезгілінде болатын өзгерітер туралы түсінік беру. Балалардың шығармашылық ынтасын ояту. Түсті қағазға дәстүрлі емес тәсілмен жұмыс істеу іскерлігіне баулу. Балалардың табиғатқа деген сүйіспеншілік сезіміне тәрбиелеу.
Әдіс - тәсілдер: Саусақ ұшымен түртіп, салу.
Көрнекіліктер: түрлі - түсті картон, тіс пастасы, дымқыл салфетка.
Оқу іс - әрекетінің барысы:
Тәрбиеші: Мейірімді жүрекпен,
Ақпейілді тілекпен
Амандасып алайық,
Бір жадырап қалайық.
Шаттық шеңбер:
Арайлап таң атты,
Алтын сәуле таратты.
Жарқырайды даламыз,
Жарқырайды қаламыз,
Қайырлы таң апайлар,
Қайырлы таң, достарым!
Тәрбиеші:- Жарайсыңдар, балалар, қанекей айтыңдаршы, қазір жылдың қай мезгілі?
- Қазір жылдың қыс мезгілі.
- Қыс мезгілінде ауа - райы қандай болады?
- Қыста күн аяз болады, күн қысқарады, боран соғады, қар жауады.
- Балалар, сендер қыс туралы тақпақ білесіңдер ме?
Ернұр: Әппақ, әппақ қар әппақ,
Айналаның бәрі әппақ.
Қырау - қырау тал әппақ,
Қар жамылған дала әппақ.
Дияна: Бір топ бала далада,
Қардан соқты аққала.
Мұны сәбіз үп - үшкір,
Көзі көмір қап - қара.
Тәрбиеші: рахмет балалар
Балалар қыста орман қандай болады екен?
Сендер орманға барғыларың келе ме?
- иа, барғымыз келеді
- ендеше мен сендерге сиқырлы қалпақтар сыйлаймын, сол қалпақтарды киіп бір мезетте орманға жетейік.
/Балалар бастарына қалпақтарын киеді\
- Қанекей көзімізді жұмып айналйық
- Міне балалар орманға да келіп жеттік. Не көріп тұрсыңдар?
- Біздер шырша, ағаштар, қар көріп тұрмыз
- Қызықты сәт: Қоянның келуі.
- Саламатсыңдарма балалар
- Сендер орманды көруге келдіңдерме? Қараңдаршы орман қандай керемет даланың бәрі әппәқ, менде әппақ, жазда сұр боламын себебі қасқырдан қорғануым керек.
- Ал, мынау ненің апаны?
Қоян:- Бұл аюдың апаны
Тәрбиеші: Қоян сен білесіңбе, біздің балалар аютуралы, қоян туралы тақпақ біледі.
Қоян: Қане айта қойыңдар
Карим: Балпан - балпен басамын,
Алты қырдан асамын
Нұрай: Қайшы құлан қоянмын,
Ақшыл түске боялдым
Қоян:- Ой, рахет балалар. Сендер ақылды екенсіңдер, мен сендерге сыйлық берейін\қоян балаларға ағаштар, шыршалар салынған суретті таратып береді\
Тәрбиеші: рахмет қоян, балалар қараңдаршы мына сурет әдемі екен бірақ жанағы біз көрген орманға ұқсамайды екен не жетіспей тұр.
Ол, қыста ғана болады,
Ұстасаң қолың тоңады.
Балалар: қар
Тәрбиеші: Балалар дұрыс таптыңдар. Ендеше біз бүгін сурет сабағын пайдаланып мына суретті қыс мезгіліне айналдырайық, қоян сен ренжімейсің бе?
Қоян: жоқ мен ренжімеймін тек сендер маған сурет салып үйретсеңдер болды.
Тәрбиеші: Олай болса бізбен бақшаға жүр\балалар сиқырлы қалпақтарын киіп бақшаға оралады\
Тәрбиеші: Балалар бүгін біз күнделікті бояумен емес күнделікті қолданатын тіс пастасын пайдаланамыз, және қылқаламмен емес саусақ ұшыментүртіп бейнелейміз.\тәрбиеші салып кқрсетеді\
Балалар суретті қысқы орманға айналдырады.
Сергіту: Боран соғады оң жақтан
Боран соғады сол жақтан
Қар лақтырып ойнасақ,
Су өтеді қолғаптан.
Көрме ұйымдастыру: балалар салған суреттеріне баға береді.
Қоян: Сендер суретті жақсы салады екенсіңдер, енді көңілімізді көтеру үшін менімен ойын ойнайсыңдар ма?
Ойын: Қар лақтыру
Қоян: енді мен орманыма оралайын, сендермен біраз көңіл көтердім, кездескенше сау болып тұрыңдар.
Тәрбиеші:
- Балалар бугін қайда бардық?
- Нені кездестірдік?
- Ненің суретін салдық?
Балалардың жауабы.
Тәрбиеші:
- Сендердің көңіл күйлерің қандай?
- Тамаша
- Қыс мезгілі қандай?
- Тамаша
- Салған суретіміз қандай?
- Тамаша
- Келген қонақтарымыз қандай?
- Тамаша
- Ендеше қонақтарға көңіл күйімізді сыйлайық.
Балалар апайларға смайликтер сыйлайды.
Кері қайту
Ілмек сөздер: бала-бақша, сурет, қыс
Loading...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету