«Шалқан» ертегісі

Ұйымдастырылған оқу қызметінің технологиялық картасы
Ересек топ.
Білім беру саласы: Шығармашылық
Бөлімі: Жапсыру, сурет салу, мүсіндеу.
Тақырыбы: «Шалқан» ертегісі

Мақсаты: Балаларға ертегілер әлеміне еніп, жақсы көңіл - күй сыйлау. Оларға қызықты тапсырмалар орындата отырып, шығармашылық құзіреттілігін дамыту. Дәстүрден тыс сурет салу арқылы шығармашылық ізденіске баулу. Логикалық ойлауын жетілдіріп, адамгершілік тәрбиесіне баулу.

Билингвалды компонент: шалқан - репка

Мотивациялық қозғаушы
Балаларды шеңберге тұрғызу.
Шаттық шеңбер:
Қуан, шаттан, алақай!
Қуанатын күн келді.
Күліп шықты күн бүгін,
Қайырлы таң! Қайырлы күн!

Сұрақ - жауап

Тәрбиеші: Дұрыс, балалар. Ал қазір қандай жыл мезгілі?
Балалар: Қазір күз мезгілі.
Т: Күз мезгілінің ерекшеліктерін айтып беріңдерші.
Б: Күзде күн салқын болады, жаңбыр жауады, боран болады және т. б.
Т: Біз«Алтын күз»ертеңгілігінде «Шалқан» ертегісінің қойылымын қойғанбыз. Есімізге түсіріп көрейікші.
Б: Ертегі желісін кезек - кезек айта отырып, кейіпкерлерді тақтаға орналастырады
Т: Жарайсыңдар, өте ақылды екенсіңдер.
Ал енді канша кейіпкер бар екен, санап көрейікші
Б: Балалар санайды

2. Ұйымдастыру – іздену
Ойын: «Кім тапқыр?»
(Тәрбиеші ертегі кейіпкерлерінің орнын ауыстыру және алып тастау арқылы балалардың байқампаздыгын арттырады)

Топқа бөлеміз

1 топ: Жапсыру
Ертегі сюжеті бойынша кейіпкерлерді қағаз бетіне желіммен жабыстыру
Т: Балалар ертегі кейіпкерлері жабыла отырып нені суырып алды?
Б: Шалқанды
Т: Шалқан жеміс пе, көкөніс пе?
Б: Көкөніс
Т: Керемет, балалар, өте жақсы жауап бердіңдер!
Билингвалды компонент: шалқан - репка

2 топ: Мүсіндеу
Шалқанды мүсіндеу

3 топ Сурет салу:
Шалқан бейнесін дәстүрден тыс сурет салу арқылы бейнелеу

Сергіту сәті: Музыка желісімен қимыл жасау
Балалар, шаршаған боларсыңдар, кәзір серігіп алайық. Орнымыздан тұрайық.

3. Рефлексиялық түзету
Сұрақ - жауап:
Т: Біз бүгін қандай ертегіні еске түсірдік?
Қандай тапсырмалар орындадық?
Сендерге оқу қызметі ұнады ма?
(Балалар жауап беріп, өз әсерлерін айтады)
Мадақтау.
Тәрбиеші: Осымен оқу қызметіміз аяқталды. Рахмет, балалар! Қонақтармен қоштасайық.
Балалар: Сау болыңыздар!

Алматы облысы, Райымбек ауданы,
Сарыжаз ауылы, Халел Орманов атындағы
«ГАУХАР» бөбек - жәй балабақшасы
Орманова Куралай Халеловна