Сайтқа кіру Тіркелу

Жаңаөзенде Р. Өтесіновтің бюсті және №1 скважина монументі ашылды

Жаңаөзенде Р. Өтесіновтің бюсті және №1 скважина монументі ашылды.
Жаңаөзенде Р. Өтесіновтің бюсті және №1 скважина монументі ашылды

1 - желтоқсан – ҚР Тұңғыш Президенті күніне орай және «Өзенмұнайгаз» АҚ 50 жылдық мерейтойына байланысты, 28 - қараша күні Жаңаөзен қаласындағы Р. Өтесінов атындағы спорт кешені жанынан белгілі мұнайшы, қаламгер - жазушы, Өзен мұнай газ өндіру басқармасының алғашқы басшысы Рахмет Өтесінұлы Өтесіновтің бюсті ашылды. Салтанатты шараға «Өзенмұнайгаз» АҚ бас директоры Мақсат Ибағаров, Жаңаөзен қаласының әкімі Серікбай Трұмов, «ҚазМұнайГаз» БӨ» АҚ бас директорының бірінші орынбасары Қайырбек Елеусінов, Р. Өтесіновтің жұбайы С. Қарабалина және балалары, үзеңгілес жұмыс істеген мұнай саласының ардақтылары, жаңаөзендік жұртшылық қатысты.
«Рахмет Өтесінұлы 1964 - 70 - жылдары Өзен мұнай газ өндіру басқармасының алғашқы басшысы болды. Мұнай саласында шыңдалып өскен майталман маман сол кездері жаңадан ашылған Өзен кенорнының игерілуіне, қалыптасуына орасан зор еңбек сіңірді. Жаңаөзен қаласының ірге тасын да абзал азамат өз қолымен құйды. Ештеңе жоқ сары далада алып кенорынды игеру, жаңадан қала салу тек Рахмет Өтесінұлы секілді алыптардың ғана қолынан келетін іс. Біз осындай ел ардақтасын мақтан тұтуды, ардақтап отыруды өзіміздің борышымыз санаймыз. Болашақ ұрпақтың жадында сақтау үшін Р. Өтесінұлы атындағы спорт кешенінің жанынан Р. Өтесіновтің бюстін ашуды көздеген едік. Баршаңызға мереке оң болсын» деді өз сөзінде бас директор Мақсат Ибағаров.
Сонымен қатар, осы күні Өзен кенорнының ең алғашқы мұнай бұрқағы алынған №1 скважина монументі ашылды. Монумент «Өзенмұнайгаз» АҚ 50 жылдық мерейтойына орай қайтадан жаңғыртылып отыр.
«1961 - жылы Өзен кенорнынан алғашқы бұрқағы алынды деген хабар сол кездегі Кеңестік республикалардағы ең үлкен жаңалықтың бірі болды. Өйткені, Өзен кенорны секілді мұнай қоры мен оның құрамының аса бай болуы әлемде өте сирек кездесетін құбылыс. №1 скважинадан атқылаған алғашқы мұнай тамшысы Жаңаөзен қаласының болашақ тағдырын шешті, Маңғыстау өңірінің индустриялық өмірінің алғашқы күнінің бірі болды. Сол себепті, мен дәл осы мұнайдың алғашқы тамшысы жарыққа шыққан жерді киелі деп есептеймін. Оны қазіргі жас буынның, болашақ ұрпақтың ұмытуға, тәу етпеуге қақысы жоқ. Ал осы жерде қайтадан жаңғырып, іске қосылған монумент Өзеннің өткен өмірінің тірі куәгері болып тұра береді деп есептеймін» деді салтанатты шараға қатысқан ел ардақтысы Нұрлыхан Бекбосынов.
Шара барысында бірқатар мұнай ардагерлері «Өзенмұнайгаз» АҚ 50 жылдық мерейтойына орай мерекелік төсбелгілермен марапатталды.
Кері қайту
Ұқсас жаңалықтар:
Оттекті органикалық қосылыстар. Спирттер

Оттекті органикалық қосылыстар. Спирттер

Органикалық заттардың құрамында оттек бар жаңа тармағы туралы түсінік бере отырып, функционалдық топ ұғымына анықтама беру. Оқушыларға оттекті...
Жаңаөзенде 1 - желтоқсан – ҚР Тұңғыш Президент күніне орай мәдени шаралар б ...

Жаңаөзенде 1 - желтоқсан – ҚР Тұңғыш Президент күніне орай мәдени шаралар б ...

Жаңаөзенде 1 - желтоқсан – ҚР Тұңғыш Президент күніне орай мәдени шаралар басталды 1 - желтоқсан – ҚР Тұңғыш Президент күніне орай «Өзенмұнайгаз» АҚ...
Мұнайлы қалам-Жаңаөзен

Мұнайлы қалам-Жаңаөзен

Маңғыстау облысы, Жаңаөзен қаласы № 12 бастауыш сынып мұғалімі: Жағалбай Рысгүл Сүлейменқызы...
Мұнай өнімдері

Мұнай өнімдері

Ақтөбе облысы Алға ауданы №3 Алға қазақ орта мектебі химия пәні мұғалімі С.Б.Каирова...
Мұнай және мұнай өнімдері

Мұнай және мұнай өнімдері

Қызылорда облысы, Қазалы ауданы, Әйтеке би кентіндегі №266 мектеп – лицейдің химия пәнінің мұғалімі Демеубаева Әсем Көбейсінқызы Сабақтың...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×