Жақсылық жасау - игі іс

Жақсылық жасау - игі іс
Жақсылық жасау – ақшаның өлшемі емес, жүректің ісі. Жылы сөз, жақсы көзқарас арқылы да жақсылық жасауға болады.
Жақсылық жасау дегеніміз біреуге көрсеткен көмегің, қамқорлығың. - Жақсы істер жасап қуатсаң, көңілің қуанышқа бөленіп, бақытты боласың.
Білім – өмірдің бұлағы болса, жоғары оқу орны бұлақтың қайнар көзі, білімге сусаған жастарға бастау болған әл - Фараби атындағы ҚазҰУ, жоғары оқу орнына дейінгі білім беру факультеті, жоғары оқу орнына дейінгі дайындық кафедрасы өз тұғырын тауып, түлеп ұшып кеткен қырандарын әлі де біліммен сусындатып келеді. Әртүрлі іс - шаралар да болсын, мұражайларға баруда да бұрынғы түлектерін шақырып жаңа түлектермен бірге ғылыми конференцияларға қатыстыру, әлі де білім нәрімен сусындатып, ғылыми бағытта бағыт бағдар беріп, жан дүниемізді дамытып келеді. Сондай - ақ қоғамдық жұмыстарға араластырып тұрады. Мәселен жоғары оқу орнына дейінгі дайындық кафедрасы тұрақты даму мақсаттары аясында (ТДМ - 1) «Жақсылық жасау - игі іс» - атты іс - шарасын дәстүрлі түрде өткізіп тұрады. Соның бірі - кешегі тыңдаушы, бүгінгі студент түлектеріміздің алғашқы білім ұясындағы кездесулері.
ҰБТ - ға дайындалған кітаптарды келесі топтарға үлестіру мақсатында тәрбиелік сағат өткізіп. 2023 - 2024 жылдың түлектеріне ҰБТ емтиханына дайындық жасауда біздің тәжірбиемізді олармен бөлістік. Жетістікке жету, әр істе көшбасшылық болу үлкен еңбекпен қарашаңырақтың үздіксіз берген білімінің арқасы.
Мақсат: тыңдаушылар арасында достық қарым - қатынас пен адамгершілік қасиеттерді шыңдау. Өзара тәжірибе алмасу.

Жоғары оқу орнына дейінгі дайындық кафедрасының
аға оқытушылары: Г. М. Мужигова, С. Р. Нұртілеуова.