Бауырмал жұртымыз, түбі бір түркіміз

Бауырмал жұртымыз, түбі бір түркіміз

Ағымдағы жылдың 21 - 23 қараша күндері Әль - Фараби атындағы Қазақ Ұлттық университетінің ұйымдастыруымен «Түркі дүние жастары l» форумы өтті. Жиында әлемнің 25 елінен келген 200 - ге жуық жастар бас қосты. Соның ішінде ЖОО дейінгі білім беру факультетінің маслихат мүшелері, «Асыл сөз» стартап мүшелері де қатысқаны көңіл қуантар жайт. Атажұртқа аяқ басқан сәттен бастап халықаралық мәжіліске қатысып, ресми іс - шаралардың аясында жүру зор шабыт сыйлады. Ауқымды іс - шара әр күн, әр сағатқа құрылған жүйелі жоспардың арқасында жоғарғы деңгейде атқарылды деп айта аламын. Әр елден келген түбі бір түркі бауырларымыз өздерінің орамды ойлар, озық пікірлерін ортаға салды, ұлттар арасындағы бауырмалдықты арттыру жолдарын атап өтті. Сонымен қатар, қазіргі жастар арасында белең алған өзекті мәселерге нақты тоқталды. Бәрін айт та бірін айт, бұл жиыннан менің түйгенім: Сізді өшіретін де, өсіретін де - ортамыңыз. Біздің өсуімізге үлкен мүмкіндіктер ашып беретін ең қолайлы орта Әл - Фараби университеті екеніне сенімім зор. Атажұрт саған мың алғыс! Форум барысында күнделігіме түртіп үлгерген танымал журналист Бейсен Құранбек ағамыздың өсиет сөздерімен сөзімді түйіндеуді жөн көрдім.
Ар сақта! Намысты бол! Талаптан! Қарекет қыл! Тәуекел ет! Уәдеге берік бол! Мәрт бол!
Ақылға сал! Қайратты бол! Жүрегіңді жылыт! Біліміңді көбейт! Өнерді үйрен! Мінезді бол! Еңбек сүйгіш бол!
Ата тегіңді біл! Ана тіліңді сүй! Адал мен арамды ажырат! Обалды ойла!
Сауапты іс жаса! Салт - дәстүрді ұста! Өнер - мәдениетті игер! Ата тарихтан тәлім мен шабыт ал! Өзіңе, өзгелерге, айналаңа жақсылық жаса!

«Асыл сөз» стартап мүшесі А. Мұхарапқызы, куратор - эдвайзері Ж. С. Әділханова