Әл - Фараби атындағы ҚазҰУ кітапханасы: құрылу тарихы және пайдалану ережелері

Әл - Фараби атындағы ҚазҰУ кітапханасы: құрылу тарихы және пайдалану ережелері

Жоғары оқу орнына дейінгі дайындық факультеті шетелдіктердің тілдік және жалпы білім беру дайындығы кафедрасының шетелдік студенттері ҚазҰУ кітапханасының тарихы, кітапхана қорларын пайдалану ережелері туралы баяндалған іс - шараға қатысты. ҚазҰУ Ғылыми кітапханасы – Қазақстан Республикасындағы университеттер арасындағы ең ірі кітапханалардың бірі. Ол 1934 жылы университет ашылған жылы құрылды. Әрбір оқу ғимаратында студенттер кітап ала алатын оқу залдары мен абонементтер бар.
1992 жылдан бастап ғылыми кітапханада интернетке қосылған электронды каталог бар. 1999 жылдан бастап ғылыми кітапхана электронды оқулықтардың көшірмелерін жасап келеді. Университет ғалымдарының ғылыми жұмыстарын интернеттен табуға болады. Сирек оқулықтар CD, DVD дискілеріне жазылады. Сондай - ақ студенттерге әр залда және абонементе алуға болатын кітапхана қорларын пайдалану ережелері түсіндірілді.
Іс - шара соңында студенттер факультет кітапханасының қызметкері, кітапханашы Қожабекова Әлияға төмендегідей мазмұндағы сұрақтар қойды: Жоғары оқу орнына дейінгі білім беру факультетінің студенттері унвиерситет қалашығындағы ҚазҰУ кітапханасының орталық қорын пайдалануға құқылы ма? - Егер студент кітапты жоғалтса, не істеу керек? - Басқа университеттердің студенттері ҚазҰУ кітапхана қорын пайдалана ала ма? Кездесу соңында студенттер іс - шара үшін кураторға, кітапхана оқу залының қызметкерлеріне алғыстарын білдірді.

Ешимов М. П., Якубаева К. С.
Әл - Фараби атындағы ҚазҰУ
ЖОО дейінгі білім беру факультеті
Шетелдіктердің тілдік және жалпы білім беру дайындығы кафедрасы