Сенбілік – тазалық таразысы

Сенбілік – тазалық таразысы
Әл - Фараби атындағы ҚазҰУ - дың 90 жылдық мерейтойы қарсаңында ҚР Президенті Қасым - Жомарт Кемелұлы Тоқаевтың тапсырмасымен басталған «Таза Қазақстан» акциясы аясында университетшілік «Таза кампус» акциясы өткізілді. Аталған акцияға Тұрақты даму мақсаттарына (ТДМ) сәйкес, тарих факультетінің ұжымы да үн қосып, тазалық шараларын ұйымдастырды. «Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың, әрбір ҚазҰУ - лықтың басты міндеті. Кампустың айналасын, ішін толық қамтыған тазалық жанашырлары қоқыс қалдықтарын шығарып, оқу ғимаратының көркеюіне өз үлестерін қосты.
Білім алушы жастарды қоршаған ортаны таза ұстауға үндеп, ҚазҰУ қалашығының санитарлық жағдайын жақсарту - сенбілік өткізу мақсаты болып табылады.
«Таза Қазақстан» шарасына бірнеше айдың ішінде 3 миллионға жуық азамат атсалысты. Бұл уақытша науқан емес. Осы маңызды жоба жыл бойы жалғаса беруге тиіс. Бір сөзбен айтқанда, қоршаған ортаның тазалығы әркімнің күнделікті дағдысына айналуы қажет», – деп атап өткен болатын Мемлекет басшысы Қасым - Жомарт Тоқаев биылғы Қазақстан халқына жолдауында.
Білім алушы студенттердің өздерінің белсенді қатысуымен өткен сенбілік студенттердің бойына экологиялық мәдениет қалыптастыруға өз септігін тигізді деп есептеуге болады.

Өзенбек Е. Р
Әл - Фараби атындағы ҚазҰУ,
Тарих факультеті,
Қазақстан тарихы кафедрасы