Облыс ұстаздары «Еліміздің үздік педагогтер эстафетасына» қатысты

Облыс ұстаздары «Еліміздің үздік педагогтер эстафетасына» қатысты

ҚР БжҒМ бекіткен «Мұғалімдер күнін мерекелеуге арналған іс - шаралар Жоспарында» Облыстық білім басқармалары мен «Өрлеу» Біліктілікті арттыру ұлттық орталығына «Педагогикалық техниканың үздік үлгілері бойынша шеберлік сыныптарын көрсете отырып, білім беру мәселелері бойынша кеңес беретін елдің үздік педагогтерінің эстафетасы ретінде «Виртуалды білім беру бағытын» ұйымдастыру» жұмысы белгіленген болатын. Осы орайда өлкеміздің бір топ ұстаздары «Еліміздің үздік педагогтер эстафетасына» қатысып, 2020 - 2021 оқу жылының 2 және 3 - тоқсаны бойынша бейнесабақтар жасақтады. Бастауыш сыныптың қазақ тілі, русский язык, математика, ағылшын тілі, 5 - 11 - сыныптардың қазақ тілі мен әдебиеті, русский язык и литература, дүние жүзі тарихы, химия, информатика, география пәндері бойынша 170 педагог 183 бейнесабақ жасақтап, жұмыстары «Өрлеу» білім беру каналына жүктелді. 2 - тоқсан бойынша бейнесабақ жасақтаған 85 ұстазға республика деңгейінде озат педагогикалық іс - тәжірибелерін таратқаны үшін сертификат берілді. 3 - тоқсан бойынша жасақталған 85 бейнесабақтың авторларына да осы мазмұндағы сертификат тапсырылады.

Дүйсенбаева Ақзия Төренқызы, «Өрлеу»БАҰО» АҚФ
Мағыстау облысы бойынша ПҚ БАИ
директорының оқу - әдістемелік
жұмыстары жөніндегі орынбасары