Қазақстанда Реформалар жөніндегі жоғары кеңес құрылды

Қазақстанда Реформалар жөніндегі жоғары кеңес құрылды

Бұл Қеңесті Қ - Ж. Тоқаев өзі басқарады.
Қазақстан Президенті Қасым - Жомарт Тоқаев 14 қыркүйектегі жарлығымен елде реформалар жөніндегі жоғарғы кеңес құру туралы шешім қабылдады, деп хабарлайды Ақорданың ресми сайты.
Кеңестің мақсаты - елдің тұрақты дамуын стратегиялық жоспарлау және экономикалық, әлеуметтік және саяси реформаларды тереңдету. Жарлықтың орындалуын бақылау Президент Әкімшілігіне жүктелді.
Қазақстан Президенті жанындағы Жоғары Кеңестің құрамына Қасым - Жомарт Тоқаев - Қазақстан Республикасының Президенті, Кеңес төрағасы кіреді; Сума Чакрабарти - төрағаның орынбасары; Премьер - министр Асқар Мамин; Президент Әкімшілігінің басшысы Ерлан Қошанов; Қазақстан Республикасы Ұлттық Банкінің басшысы Ерболат Досаев; Стратегиялық жоспарлау және реформалар агенттігінің басшысы Қайрат Келімбетов; Қаржы нарығын дамыту және реттеу агенттігінің басшысы Мадина Әбілқасымова.
Оның құрамына Әсет Исекешев (Президенттің көмекшісі - Қазақстан Республикасы Қауіпсіздік Кеңесінің хатшысы), Тимур Сүлейменов (Қазақстан Республикасы Президенті Әкімшілігі Басшысының орынбасары), Тимур Құлыбаев («Атамекен» Қазақстан Республикасы Ұлттық кәсіпкерлер палатасы Төрағасы) кіреді.
Еске салайық, дәл осы күні, 14 қыркүйекте Қайрат Келімбетов пен Сума Чакрабарти жаңа қызметтерге орналасты: Келімбетов жаңадан құрылған Стратегиялық жоспарлау және реформалар агенттігін басқарады, ал Чакрабарти Тоқаевтың экономикалық реформалар жөніндегі кеңесшісі болып тағайындалды.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты