Менің сүйікті Жезқазғаным!

Тақырыбы: «Менің сүйікті Жезқазғаным!»
Мақсаты:
Оқушыларға туған қалалары жайлы мағлұмат беру, туған қаласындағы көрнекі орындар мен ескеркіштерімен таныстыру.
Оқушылардың туған қаласына деген патриоттық сезімдерін ояту;
Отанын сүюге, құрметтеуге тәрбиелеу. Елін сүюге, халқына қызмет етуге тәрбиелеу.
Бүгінгі біздің тәрбие сабағымыздың тақырыбы: «Менің сүйікті Жезқазғаным!»

Мұғалім: Отан дейміз от жаққан жерімізді,
Отан дейміз өсірген елімізді.
Отан дейміз туған жер, атамекен –
Биік тау, орман, тоғай, көлімізді.
Отан дейміз кең – байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
Мұғалім: Отан деген не? Оны қалай түсінесіңдер?
«Отан отбасынан басталады» дегенді қалай түсінесіңдер?
Отан - өз үйім, ата – анам, достарым, бауырым, тау, тас, өзен - көл, туған жер, бәрі Отаным болады.
Мұғалім: Біздің Республикамыз қалай аталады?
- Қазақстан Республикасы
- Қазақ жері қандай?
- Қазақ жері өте бай, әрі кең.
- Отанымыздың астанасы?
- Астана қаласы
- - Балалар сендер білесіңдер ме, біз қай қалада тұрамыз?
Жезқазған қаласы күннен - күнге жаңарып, гүлденіп, көркейіп келеді.
- Аз ғана уақыт ішінде жаңа тұрғын үйлер, зәулім ғимараттар, гүлзарлар мен фонтандар, әсем ескерткіштер бой көтеріп қалған.
- Ал осы Жезқазған қаласына биыл қанша жыл толады?
- Жезқазған қаласына биыл 60 жыл толады. Біздің қаламыз үлкен қала болмағанымен де, қаламызда өте әдемі және көрнекті жерлер мен ескерткіштер бар. Жезқазған - бұл Орталық Қазақстандағы 1761 шаршы километр аумақты алып жатқан. 96, 7 мың тұрғыны бар, қала. Жезқазған аймағының аумағында 1500-ге жуық тарихи және мәдени ескерткіштер бар, олар әсіресе Сарысу, Сары Кеңгір өзендері жағалауында көптеп кездеседі. Жезқазған тау - кен металлургия комбинатын кенші, геолог, академик Қ. И. Сәтпаевтың перзенті деп атауға болады. Кезінде академик университет ашуды армандаған. Сол асқақ арманы бүгінгі таңда орындалып, О. Байқоңыров атындағы Жезқазған Университеті ашылды. Қалада 20-дан астам мәдениет орындары жұмыс істейді, соның ішінде С. Қожамқұлов атындағы Жезқазған музыкалық драма қазақ театры және жасөспірімдер театры.
Слайд көрсету «Жезқазған қаласы»

1 - оқушы
Туған жер – алтын таң.
Кең далам, таулы орман.
Ұл мен қыз қорғаймыз,
Бақытты ұлы Отан.
2 - оқушы
Отан дейміз от жаққан жерімізді
Отан дейміз өсірген елімізді
Отан дейміз туған туған жер, атамекен.
Биік тау, орман, тоғай, көлімізді
3 - оқушы
Отан дейміз кең - байтақ астананы
Жасыл жайлау, жаңа жол, жас қаланы
Отанның шеті де жоқ, шегі де жоқ
Ол бірақ өз үйіңнен басталады.
Ән: «Менің Қазақстаным»
Қорытынды:
- М Міне балалар, «Менің сүйікті Жезқазғаным!»
деген тақырыптың мәнін терең түсіне алдыңдар деп ойлаймын. Ел алдындағы, болашақ ұрпақ алдындағы жауапкершілікті ұмытпайық. Ерінбей, жалықпай білім алыңыздар, ел болашағы сіздердің қолдарыңызда.

Ән тыңдау: «Жезқазған маршы»
Сарыарқаның сағымымен бірге ұшқан
Сәулетімен сәніменен нұр құшқан.
Салтанатты Жезқазғанның қаласы - ай,
Асты алтын, үсті күміс гүлстан.
Жезді бойы жез қалам,
Жер түбінен жезді алам.
Алтын қалам, кең далам,
Жеқазғаннан айналам
Асқаралы асқарысың жерімнің,
Мақтанышы, дастанысың елімнің.
Көзін ашқан кеше Қаныш ағамыз,
Тусыраған тұл бойында кенімнің.