Кока - Кола сусынының он екі пайдасы

Білгенге – маржан
КОКА - КОЛА СУСЫНЫНЫҢ ОН ЕКІ ПАЙДАСЫ
Кока - Коланың қандай құпиясы бар? Естімеген елде көп демекші, бұл сусын туралы әлі де білеріміз көп екен. Күнделікті тұрмыста қалай пайдалануға болатындығы туралы ақпарат ұсынуды жөн көрдік.

1. Егер кәстрөлді күйдіріп алған болсаңыз, ішіне Кока - Кола құйып қайнатыңыз. Кәстрөліңіз көз алдыңызда жаңарады.

2. Кез келген суретті ескі етіп көрсетуге болады. Ол үшін суретті Кока - Колаға аз ғана батырып, кептіру қажет. Бірақ суретті толықтай суландырмаған жөн, әйтпесе құртылады.

3. Шаш бояуын кетіреді. Бұл байқаусызда өзіміз қаламаған түске боялып қалған шаш туралы айтылып жатыр.

4. Ескі тиындарды Кока - Колаға салатын болсаңыз, олар жарқырап шыға келеді.

5. Шәйнектің ішіне Кока - Кола құйып, оны бір күнге қалдырыңыз. Қақ толығымен кетеді.

6. Унитазды да Кока - Коланың көмегімен тазалауға болады.

7. Тұздыққа 1: 1 есебінде Кока - Кола араластырып, артынша оны етке қосып дайындауыңызға болады. Өте дәмді!

8. Кока - Кола – шашқа арналған ең үздік кондиционерлердің бірі. Алдымен шашыңызды Кока - Колаға жуып, артынша кептіріңіз.

9. Шырышты ұлулар Кока - Коланың иісін жақсы көреді. Оны осы жәндіктерден құтылу мақсатында қолдануыңызға болады.

10. Сіз бұрап шығарайын деген бұрандаманың қатып қалғанын байқасаңыз, оның үстіне Кока - Кола құйыңыз. Сол кезде тоты бірден кетеді.

11. Асыл бұйымдарды тазартуға болады. Бірақ тастары жоқ бұйымдарды ғана тазалаған жөн.

12. Бір қызығы, Кока - Кола асқазан ауруларында көмектеседі екен. Тек газы жоғын пайдаланған дұрыс. Мысалы, ұзақ жолда жүрек айныған кезде Кока - Коланың газын шығарып ішетін болсақ, жүрегіміздің айнығаны бірден басылады.

әзірлеген
Бегімхан КЕРІМХАНҰЛЫ
М. Әуезов атындағы ЖОББ мектептің қазақ тілі мен әдебиеті мұғалімі
Павлодар қаласы
Қазақстан Журналистер Одағының мүшесі