Сайтқа кіру Тіркелу

Мұқағали рухымен сырласу

Мұқағали рухымен сырласу

М.Мақатаевтың 80 жылдығына арнау

Ақын бейнең жаралған анық нұрдан,
Дараланып тұрады алып тұлғаң.
Көремін мен жастардың жүрегінен
От-жырыңның алауын жанып тұрған!

Сен жыр жазсаң ән туып өлеңінен,
Өткізер ең ойлардың елегінен.
Ұрпағың бар ал бүгін маржан терген
Сезіміңнің теңіздей тереңінен!

Асқар таусың көрінген алыс қырдан
Жыр-бұлағын ғасырмен жарыстырған!
Сенің сұлу өлеңің қаншама мың
Ғашықтардың жүрегін табыстырған?!

Күмбірлеген керуендей сәні қалған,
Сағындырып шығады әнің алдан.
Біз ұрпақпыз өлеңнің өлкесінде
Сезімі мол жырыңнан тәлім алған!

Бүгінгі жас бағалар сенгеніңді,
Ерек құрмет тұтады еңбегіңді.
Жүрегіммен сеземін тебіреніп
Ұстазымның алдына келгенімді!

...Өнер жолда бағыңның жанғаны анық,
Кесек ойың кеткен жоқ жаңқаланып!
Мұқа, сенің мәңгілік асқақ жырың
Хан Тәңірді тұрады арқаланып!!!

Айбатыр СЕЙТАҚ,
Алматы. 26 шілде 2011 жыл.

Ақын туған өңірімен тілдесу

Ұланыңмен бақ-жұлдызың жанды ма?
Нөсер жырға шөлің әбден қанды ма?
Мәңгі жасыл Мұқағали мекені,
«Ассалау» деп келіп тұрмын алдыңа.

Қасіретін көз жасымен жудырған,
Елдің мұңын жүрегіне тұндырған,
Туған халқы қуат берсе Мұқаңа,
Құт мекені ақын қылып тудырған.

Ғажап Көлсай көңілімді тербетіп,
Ойға шомып, қарап тұрсам көл бетін:
Терең, тұнық, мөлдір таза судан да
Көремін мен Мұқағали келбетін!

Шын ақынның шыңнан алар жыр басы,
Мәңгі өлмес ғасырлардың құрдасы!
Ақ иықты асқаралы таудан да
Көрінеді Мұқағали тұлғасы!

Сұлулық-ай суретші салғандай!
Гүлмен бірге жыр да бүршік жарғандай!
Шабыттанып жыр оқыған даусына
Қалың орман құлақ түріп қалғандай!

...Жер құлпырды жайма шуақ жазым кеп,
Жүректерді жаулап алды назың тек.
Сағынышты сезімімен бар қазақ
Ән салады «Қайран, Қарасазым» деп!

Айбатыр СЕЙТАҚ,
Алматы. 24-25 шілде 2011 жыл.
Кері қайту
Loading...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, ертегі, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету